Jeremías 47:6 - Qullan Arunaka DC

⁶ ¡Ay, Tatitun espadapa! ¿Kunapacharak nanakar chhuxriñchañ suyt'xätasti? Imañamar kutintxam, llamp'uchasxam, pachparuk suyt'xam.

Aymar Bibliia 1986

⁶ ¡Ay, Tatitun espadapa! ¿Cunapachas jumajj suyt'jjäta? Espada imañamaru cutintjjam, suyt'jjam, pachparu suyt'jjam.

Qullan Arunaca

⁶ ¡Ay, Tatitun espadapa! ¿Cunapachas jumajj suyt'jjäta? Espada imañamaru cutintjjam, suyt'jjam, pachparu suyt'jjam.

Jeremías 47:6 Jak'a apnaqawi uñst'ayäwi

2 Samuel 2:26

Ukat Abnerax Joab chachar art'äna: —¿Janit aka jiwarayäwix tukuskani? ¿Janit amuykta aka luräwix jan walt'añaki apanirapistani ukxa? ¿Kunapacharak jaqinakamar säta jilanakapar jan juk'amp arknaqxañapatakisti? —sasa.

1 Crónicas 21:27

Ukhamasti Tatitux angelar espadap imasxañapatakiw mayïna.

Salmos 17:13

Tatay, sartasikimaya, ¡saykatasin killt'ayam! Ñanqha lurir jaqit espadamampi qhispiyita;

Isaías 10:15

Tatitux siwa: Asiriankir reyix pantjasitawa, hachasa, lawa khuchhuñasa janiw apnaqiripat juk'amp askïkiti. ¡Kawkhansa utjatäna mä thujruxa, khititix apnaqki ukar apnaqatapaxa!

Isaías 10:5

“Tatitux siwa: Nayax wali q'apisitätwa; ukat Asiriankir reyimpiru, ñanqhachapkitu ukanakampirux mutuyä.

Jeremías 12:12

Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 15:3

“Naya, Tatituw uk arsta: Jichhax pusi mutuyäwinak apayanipxäma: Nuwasïwin jiwarapxäta, anunakaw qatatnaqapxätam, siwiq'aranakaw manq'apxätam, ch'uminkir animalanakaw manq'apxarakïtam.

Jeremías 25:27

Ukatsti Tatitux sarakituwa: “Jupanakarusti sarakim, naya, taqi ch'aman Tatitu, Israelan Diosapaw arsta, machjasiñkama, waq'jasiñkama, jan mayampi sartkañatak uraqir liwirtapxañapkam umapxpan, kuna nuwasiñanaktix nayax jupanakaru apayankä uka layku.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 48:10

(¡Ñanqhachatäpan kawkïr jaqitix Tatitun iwxata irnaqañanak jan taqi chuymampi phuqkani ukaxa. Ñanqhachatäpan kawkïr jaqitix jan jiwayañ munkani ukaxa!)

Jeremías 50:35

Tatitux siwa: “¡Babilonio jaqinakax jiwarapxpan! ¡Jilïrinakapasa, yatiñan jaqinakapas jiwarapxpan!

Ezequiel 14:17

“Nayatix aka markxar nuwasiñanak apayanirista, ukatsti uywanakana, jaqinakan jiwarayatäpxañapatak arsurista,

Ezequiel 21:30

30 (35) “¡Babilonia, uka espadam imasxam! Nayaw jumarux pachpa markaman taripäma.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Juan 18:11

Jesusasti uk uñjasin Pedrorux sänwa: —Imañapar espadam uskum. Awkixax kuna t'aqhisiñtix churkitu uk ¿janit t'aqhisiñaxäkisti? —sasa.

Jueces 7:20

uka kimsa tama jaqinakasti ukkharakiw oveja waxrat lurat pututunakat pututt'apxäna, wakullanaksa p'akirapxarakïna. Ch'iqa ampararux nina wiyanak apapxäna, kupi ampararusti oveja waxrat lurat pututunak apapxarakïna, ukatsti jach'at art'asipxäna: ¡Tatit layku, Gedeón layku! “¡Nuwasiñäni!” sasa.