Jeremías 46:4 - Qullan Arunaka DC

⁴ ¡Caballonak karunt'apxam! ¡Caballonakar lat'xatapxam! ¡Casconakam asxatasipxam, mä siqik uskt'asipxam! ¡Lanzanak ariptayapxam! ¡Qhawanakampi uchasipxarakim!

Aymar Bibliia 1986

⁴ ¡Caballonacamarusti monturanacapa sillt'apjjaraquim! ¡Caballonacat sarir jakenacasti caballonacamar lat'jjatapjjaraquim! ¡Casconacam asjjatasipjjam, formt'asipjjaraquim! ¡Lanzanacsti afilt'asipjjaraquim! ¡Coraza sat isinacampi isthapisipjjaraquim!

Qullan Arunaca

⁴ ¡Caballonacamarusti monturanacapa sillt'apjjaraquim! ¡Caballonacat sarir jakenacasti caballonacamar lat'jjatapjjaraquim! ¡Casconacam asjjatasipjjam, formt'asipjjaraquim! ¡Lanzanacsti afilt'asipjjaraquim! ¡Coraza sat isinacampi isthapisipjjaraquim!

Jeremías 46:4 Jak'a apnaqawi uñst'ayäwi

2 Crónicas 26:14

Ozías reyix taqpach ejercitotakix jark'aqasiñanaka, lanzanaka, casconaka, corasanaka, mich'inak antutt'añanaka, q'urawanaka, taqi ukanak wakichayäna.

Nehemías 4:16

16 (10) Uka urutsti chikat jaqinakax pirqa lurañanakan irnaqapxäna, chikat jaqinakasti lanzanakani, jark'aqasiñanakani, mich'inak antutt'añanakani, qhawanakani kun wakicht'atäpxänwa. Jilïrinakasti Judänkir jaqinakaruxa,

Isaías 8:9

Markanaka, tantacht'asipxam, mulljatäñamp phuqhantasipxam; taqi jayankir markanaka, aka arunak ist'apxam: Nuwasiñatakis wali wakicht'atäsipkäta ukasa, tukjatakipunïsipkätawa; jïsa, nuwasiñatakis wali wakicht'atäsipkäta ukasa, t'unjatakipunïsipkätawa.

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Jeremías 51:3

¡Babilonio soldadonakasti nuwasiñatakix wakicht'atäpxiwa, ukampis jumanakax janiw nuwasiñ isip uchasiñapsa munapxañamäkiti. Jan ukasti, ¡waynanakarux jiwarayapxam!, ¡soldadonakaparus q'al tukjapxam!

Ezequiel 21:28

28 (33) “Jumasti Ezequiel, nayan sutixar Israel markar jisk'achiri amonita jaqinakar sarakim: ‘Espadax jumanakar jiwarayañatakix niya wakicht'atawa, lliju llijunak sarayañatak suma llijkir qaqsutawa, taqi kun t'unjañatak wakicht'atawa.

Joel 3:9

9 (9) Markanakarusti akanak yatiyapxam: ¡Ch'axwañatak wakicht'asipxam! ¡Wali ch'aman jaqinakar jawsapxam! ¡Ch'axwanakan nuwasir jaqinakasti jutapxpan, jupanakaw nuwasir sarapxani!

1 Samuel 17:38

Ukatsti Saúl reyix jupan nuwasiñ isipampiw Davidarux isthapiyäna, broncet lurat cascompiw p'iqipar asxatayäna, ukatsti hierrot lurat isimpiw isintayäna.

1 Samuel 17:5

P'iqiparusti broncet lurat cascompi asxatatänwa, janchipasti broncet lurat corazampi isintataraki, ukasti wali jathïnwa, phisqa tunk phisqan kilonïnwa.