Jeremías 45:4 - Qullan Arunaka DC

⁴ Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.

Aymar Bibliia 1986

⁴ Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Qullan Arunaca

⁴ Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Jeremías 45:4 Jak'a apnaqawi uñst'ayäwi

Eclesiastés 3:3

Jiwayañ pacha, qullt'añ pacha. Tukjañ pacha, utacht'añ pacha.

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 12:2

Jumaw jupanakarux ayrunttaxa, jupanakasti saphintapxiwa, jilatatasinsti, achunak churapxi. Jupanakax lakampikiw juma jak'ankasipki, chuymanakapanxa jumat wali jayankapxiwa.

Jeremías 31:28

Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.

Lamentaciones 2:6

Qullana utapsti, mä lunthatjamaw t'unjawayi; tantachasiñäki uka chiqsa q'al t'unjawayi. Tatitux Jerusalén markanxa, sábado urunakatsa, phunchhäwi urunakatsa armasiyistuwa. Aqkir phiñasiñapansti, sacerdoterusa, reyirusa apanukuwa.

Oseas 2:14

14 (16) “Ukham luratapatsa, wasitat nayar munañapatakiw wasarar irpasin chuymapar parlxayä.

Deuteronomio 28:63

Kamisatix Tatitux suma askinak churasina, jumar mirantayasin kusiskäna, ukhamarakiw kusisini jumar aynacht'ayata, ch'usar tukut uñjasïta ukapachaxa, katkäta uka uraqitxa jan khuyapt'ayasis jik'inukutaw uñjasïta.