Jeremías 45:1 - Qullan Arunaka DC

¹ Josías chachan Joacín sat yuqapax niya pusi mara Judá uraqin reyïkän ukapacha, Jeremías profetax Nerías jaqin Baruc yuqapar qillqayaskäna ukapachaw Jeremiasax Baruc chachar säna:

Aymar Bibliia 1986

¹ Josías chachan Joacim sat yokapajj niya pusi mara Judá oraken reyïcän ucapachawa, Nerías jaken Baruc yokapajj cuntejj Jeremías profetajj kellkayascäna, ucapachaw Jeremiasajj Baruc chacharojj säna:

Qullan Arunaca

¹ Josías chachan Joacim sat yokapajj niya pusi mara Judá oraken reyïcän ucapachawa, Nerías jaken Baruc yokapajj cuntejj Jeremías profetajj kellkayascäna, ucapachaw Jeremiasajj Baruc chacharojj säna:

Jeremías 45:1 Jak'a apnaqawi uñst'ayäwi

2 Reyes 24:1

Joacín reyix marka apnaqkän ukkhaw, Babiloniankir Nabucodonosor reyix Judá uraqir katuntir mantantäna, ukatsti Joacín reyix kimsa maraw uka reyin munañaparjam sarnaqäna. Ukatxa sum amuyt'asisin, janiw uka reyirux jaysañ munkxänti, jan ukasti jupatakiw sayt'asxäna.

2 Crónicas 36:5

Joacim reyix pä tunka phisqan maranïkän ukkhaw marka apnaqañ qalltäna, jupasti Jerusalenan tunka mayan maraw marka apnaqäna. Jupan luratanakapax Tatit Diosapan nayraqatapan janiw walïkänti.

Jeremías 25:1

Kunapachatix Josiasan yuqapa Joacín reyix Judá uraqi pusi mara apnaqkäna ukkhaw, Tatitux Jeremiasaru Judá markatak mä yatiyäwi churäna. Ukkharakiw Nabucodonosor reyix Babilonia uraqi mä mara apnaqañ qalltaskäna.

Jeremías 26:1

Josiasan yuqapa, Joacín reyix Judá uraqi apnaqañ qalltkän ukapachasti Tatitux Jeremiasaruw parli,

Jeremías 32:12

ukatsti uka paypach waraqatxa, Nerías jaqin Baruc yuqaparuw churxta, Maaseías jaqin allchhiparu. Uksti Hanamel primo jilax nayraqatana, sutinakap qillqantapkäna uka qhanañchirinak nayraqatana, carcel uta anqan qunt'atäpkän uka judionak nayraqatan katuyxarakta.

Jeremías 32:16

“Uka uraqi alat papelanak Baruc chachar churasinsti, Tatituruw akham mayisirakta:

Jeremías 36:1

Josiasan yuqapa, Joacín reyix Judá uraqi pusi mara apnaqkän ukapachaw Tatitux Jeremiasar parläna, juparusti sarakïnwa:

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 36:26

jan ukasti, Jerahmeel yuqapampiru, Azriel sat jaqin Seraías yuqapampiru, Abdeel jaqin Selemías yuqapampiruw mayïna Jeremías profetaru, Baruc sat qillqiripampir katuntapxañapataki. Ukampis Tatituw jupanakarux imantxäna.

Jeremías 36:32

Ukhamasti Jeremías profetax yaqha jisk'a lip'ichinak aptasin Baruc qillqiriparuw churi, ukatsti jupax kuntix Jeremiasax siskäna taqi uka arunak qillqarakïna, kawkïr qillqattix Joacín reyix nakhantaykäna ukan qillqatäkäna uka kipka arunakarak qillqantayäna. Ukhamarus Jeremiasax uka qillqatarux yaqha arunakampi yapxatarakïna.

Jeremías 36:4

Jeremiasasti Nerías jaqin Baruc sat yuqaparuw jawsäna, ukatsti taqi kuntix Tatitux siskäna uka arunak qillqañapatakiw sarakïna, Baruc chachasti mä lip'ichiruw taqi uka arunak qillqantäna.

Jeremías 45:2

“Baruc, jumax sistawa: ‘¡Ay kunakïkani nayatakixa! ¡Tatitusti t'aqhisiñanakampi, llakisiñanakampik nayarux churitu! Jachkäwis qaritäxaraktwa, janirakiw nayatakix samart'añax utjkiti’ sasa.

Jeremías 46:2

Egipto markatsti aka arunak säna, qhanpachanxa Egipton reyipa Necao sat faraonan ejercitopat säna. Uka ejercitosti Carquemis sata chiqan jikxatasïna, Éufrates sat jawir jak'ana. Uka ejercitorusti Nabucodonosor reyiw nuwantasin atipjatayna, kunapachatix Josías jaqin Joacín yuqapax pusi mara Judá marka apnaqkäna uka mara:

Jeremías 51:59

Sedequías reyix pusi mara Judá uraqi apnaqkän ukapachaw, Jeremías profetax Nerías sat jaqin Seraías yuqapar mä iwxa churäna, Maasías sat jaqin allchhiparu. Seraiasasti Sedequiasampi chikt'ataw Babilonia markar saräna, jupasti reyin qurpachasiñapatak wakichirïnwa.

Daniel (hebreo) 1:1

Kunapachatix Joacín reyix Judá uraqi kimsa mara apnaqaskäna, ukapachaw Babiloniankir Nabucodonosor reyix Jerusalén markar purinisin ejercitopamp muyuntäna.