Jeremías 44:8 - Qullan Arunaka DC

⁸ Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Aymar Bibliia 1986

⁸ ¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Qullan Arunaca

⁸ ¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 44:8 Jak'a apnaqawi uñst'ayäwi

2 Crónicas 7:20

jumanakarux kawkïr uraqtix churapksma ukat apanukupxämawa, nayax kawkïr uttix yaqhachaskta uksa apanukurakïwa, ukatsti taqi markanakaw jumanakat larusipxani.

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Isaías 3:8

Chiqpachapuniw Jerusalén markax q'al aynacht'xi, Judá markas q'ala tukjatarakiw qhiparxi, uka markanakansti taqiniw Tatiturux chuym ust'ayapxi.

Isaías 65:15

Nayan ajllitanakaxarusti suma suti churä; ukampis jumanakan sutinakamasti mayninakar ñanqhachañatak aytatäniwa.

Jeremías 11:12

Ukapachaw Judá uraqinkir jaqinakaxa, Jerusalén markan utjir jaqinakasa uka yaqha diosanakar yanap mayisir sarapxani, kawkïrinakarutix incienso luqtasipki ukanakaru, ukampis uka jach'a t'aqhisiñax purinkani ukapachaxa, uka diosanakax janiw qhispiyañatakix ch'amanïpkaniti.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 32:30

Qalltatpach Israelankirinakampi Judá markankirinakampix kunatix nayatak jan walïki ukanak lurapxirïna; israelitanakasti jupanakan lurat diosanakampiw ñanqhachapxitäna. Naya, Tatituw uk arsta.

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 44:12

Khitinakatix Judá uraqir qhiparapkäna, ukatsti Egipto markar jakir sarxañatak wayt'asipki ukanakax uka markan jiwarapxani. Taqiniw jiwarapxani, nuwasïwina, jan ukax manq'atjamasa, jisk'at qalltasina jach'akama, ukatsti markanak taypinxa ñanqhachata, jisk'achjataw uñjasipxani.

Jeremías 44:3

kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 44:7

“ ‘Ukhampï naya, Israelan taqi ch'amani Diosapax sistxa: ¿Kunatsa jumanakpachar uka jach'a ñanqha apasinipxta? ¿Kunatsa jumanakax taqi Judá uraqinkir jaqinakar jiwarañar apt'apxta, chacharu, warmiru, wawanakaru, asu wawanakamppacharusa, jan maynin jiwarañapatakixa?

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Oseas 4:13

Uka alay qullunakan incienso q'aphinakampi luqtäwinak churasi; roble, álamo, encina sat quqanakan ch'iwinakapan luqtasiraki. Phuchhanakamax wachuqa jucha lurapxi, yuxch'anakamas yaqha chachanakampiw sarnaqapxi.

Habacuc 1:16

Ukatwa chawlla katurix qänanakaparu, anzuelonakaparusa, suma luqtäwinakampi, incienso q'aphinakampi waqaychi, ukanakäpan suma walja manq'anakax utjarapi.

Deuteronomio 32:25

Thakhinakan wawanakapax espadampkam jiwarayataw uñjasini, uta manqhanakansa axsarañakiw utjani; yuqall wawasa, imill wawas jiwaraniwa, awkinakasa, ñuñuskir wawanakas jiwararakiniwa.

Hebreos 3:16

¿Khitinakarak Diosan arup ist'kas kutkatasipxänsti? Moisesax khitinakarutix Egipto uraqit irpsunkäna ukanakänwa.