Jeremías 44:6 - Qullan Arunaka DC

⁶ Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Aymar Bibliia 1986

⁶ Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Qullan Arunaca

⁶ Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Jeremías 44:6 Jak'a apnaqawi uñst'ayäwi

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 51:17

Jerusalén marka, sartasim, Jerusalén marka, sayt'asim, jumaw Tatitun phiñasitapat t'aqhistaxa, walpin t'aqhistaxa, jan sayt'kiriw uñjasiraktaxa.

Isaías 51:20

Wawanakamasti marka thakhi muyt'anakan liwinukutaw uñjasipxi, tarujar qänampi katuntatjamaw jan ch'amani uñjasipxi, Tatitun phiñasiñapampi chhuxriñchjata, Diosan chiqachäwipampi t'aqhisiyataw uñjasipxi.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 21:5

Ukampis naya kipkaw jumanakar nuwantapxäma, wali jach'a ch'amampi, jach'a aqkir phiñasiñaxampi.

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 7:17

¿Janit jumax uñjkta kuntix Judá markanakansa, Jerusalén markansa lurapki ukxa?

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Jeremías 8:3

Uka ñanqha jaqinakat qhiparirinaksti, aka uraqpacharuw ananukü, jupanakax jakaskañat sipansa, jiwañak munxapxani. Naya, taqi ch'amani Tatituw ukham arsta.

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Lamentaciones 1:13

Tatitux alaxpachatpach mä nina apayani ukasti ch'akhanakkam nayarux naksutu; saräwixarusti mä sipit uskuraki, ukampisti qhiparuw kuttayitu; nayarux q'al apanukutu, t'aqhisiñaxas jan tukuskayawa.

Lamentaciones 5:18

Jerusalén markax laqayar tukuyatawa, qamaqinakakiw ukan aywtaski.

Ezequiel 20:33

Naya, Tatituw jakañax layku juramentompi arsta, jach'a ch'amaxampi, jach'a phiñasiñaxampiw jichhax jumanakar apnaqapxäma.

Ezequiel 20:34

Nayaw kawkïr markanak taypintix ananukut jikxatasipkta ukanakatxa, tantachthapinipxäma, jach'a ch'amaxa uñacht'ayasa phiñasiñampi mutuyasa.

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Ezequiel 24:8

Nayasti uka wilxa pachpa q'ara qarqxaruw wañt'ayä, ukhamat jan chhaqtañapataki, uka wila uñjasin phiñasiñaxan ninjam aqtañapataki, taqi kunas chiqapar uñjatäñapataki.

Ezequiel 5:13

Ukapachaw nayax jach'a q'apisiñaxampi jupanakarux mutuyä, q'apisiñaxax malarkani ukkhaw yatipxani naya, Israelan Diosapa arsutaxa phuqhirïtaxa.

Ezequiel 6:12

Jayankirinakax usunakampiw jiwarapxani, jak'ankirinakasti nuwasïwin jiwarapxani, kawkïrinakatix ukanakatsa jakañan qhiparapkani ukanakasti, manq'atjamaw jiwarapxarakini. Ukham nayax Israel markxarux phiñasiñaxa samarasï.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Daniel (hebreo) 9:12

Jumax, nanakxar aka jach'a jan walt'äwi apayanisaxa, kuna axsarañanaktix nanakampiru, marka apnaqirinakampir yatiyapkista uk phuqtawa; aka uraqinsti janipuniw kuna mutuyäwtix Jerusalén markxar apayankta uka kipka mutuyäwix utjirïkiti.

Levítico 26:28

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Nahúm 1:2

Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Zacarías 1:2

“Naya, Tatitux jumanakan nayra awkinakamatakix wali q'apisitäyätwa.

Zacarías 1:6

Jupanakarusti nayax juchanakapat mutuyta, kunjämtix profetanakaxax jupanakar yatiykatayna ukhamarjama. Jupanakasti wasitat amuyt'asisin nayar jaysxapxitu, naya taqi ch'amani Tatitun jupanakan sarnaqäwiparjama, luräwiparjama uñjañaxax wakisitap uñt'asa.’ ”

Zacarías 7:14

Ukatpï nayax mä jach'a tutuka thayampjam jupanakar uksar aksar apanuktxa, jan uñt'apkäna uka markanak taypiru, uka qhipatsti uraqipax mä ch'usa wasarar tukutaw qhiparxäna, ukansti janiw khitis jakirjamäkxänti. ¡Jupanakan juchanakap laykuw ukkha suma markax q'ala tukjata, laqayaki qhiparäna!”