Jeremías 44:5 - Qullan Arunaka DC

⁵ Ukampis jumanakax janiw nayarux ist'apkistati, arunakaxarus jaysapkaraktati. Uka ñanqha luräwinak apanukuñat sipansa, juk'ampikiw uka diosanakarux inciensonak luqtasipxtaxa.

Aymar Bibliia 1986

⁵ Ucampisa jumanacajj janiw nayarojj ist'apquistati, ni arunacajjarus jaysapcaraquïyätati. Uca ñankha luräwinacapa apanucuñat sipansa juc'ampwa uca diosanacaru inciensonaca loktasipjjayätajja.

Qullan Arunaca

⁵ Ucampisa jumanacajj janiw nayarojj ist'apquistati, ni arunacajjarus jaysapcaraquïyätati. Uca ñankha luräwinacapa apanucuñat sipansa juc'ampwa uca diosanacaru inciensonaca loktasipjjayätajja.

Jeremías 44:5 Jak'a apnaqawi uñst'ayäwi

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Nehemías 9:30

Walja maranakaw jupanakar llamp'u chuymamp uñch'uktaxa, ajayum tuqisa, profetanakam tuqis iwxt'araktawa; ukampis janiw ist'asipkänti, ukat uraqinkir jaqinakan munañapar jupanakar apnaqapxañapatak katuyaraktaxa.

Isaías 48:18

Nayan arunakaxarutix ist'asamäna ukaxa, walt'añamax mä jawirar uñtataw jilxatasapäna, atipjañamas jach'a qutan mathapinakapar uñtataw jilarasapäna,

Isaías 48:4

Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 11:8

Ukampis janiw nayarux jaysapkituti, janirakiw ist'apkitusa, jan ukasti chuymanakapan jan wali amtatanakaparukiw arkxapxi. Janiw nayan arsut arunakar phuqhañ munapkänti, ukatpï jupanakxarux kuntix arust'äwin yatiykäyäta uka mutuyäwi apayantxa.’ ”

Jeremías 13:10

Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Jeremías 43:4

Ukhamapï, janiw Johanán jaqisa, jilïr militaranakasa, taqi jaqinakasa Judá uraqir qhiparapkänti; ukhamat Tatitun arsutapar jan ist'apkänti.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Daniel (hebreo) 9:6

Jumar arkir profetanakamar jan ist'asaw sarnaqapxta, jupanakax juman sutimxaruw nanakan reyinakaxaru, jilïrinakaxaru, nayra awkinakaxaru, taqi Israel markarus parlapxarakïna.

Oseas 11:2

Kunapachatix nayax juk'ampi jupar jawskäyät ukkhaxa, juk'ampikiw jupax nayat jayarst'awayi. Markaxasti k'ari diosanakaruw wilañchanak luqtasïna, yaqha diosanakarukiw incienso q'aphichäna.