Jeremías 44:4 - Qullan Arunaka DC

⁴ Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Aymar Bibliia 1986

⁴ Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Qullan Arunaca

⁴ Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 44:4 Jak'a apnaqawi uñst'ayäwi

2 Crónicas 36:15

Nayra awkinakapan Tatit Diosapax, sapa kutiw jupanakaru khithanakap tuqi iwxa arunak apayanïna, Tatitux markapatsa, utjäwipatsa khuyapt'ayasitap layku.

Nehemías 9:30

Walja maranakaw jupanakar llamp'u chuymamp uñch'uktaxa, ajayum tuqisa, profetanakam tuqis iwxt'araktawa; ukampis janiw ist'asipkänti, ukat uraqinkir jaqinakan munañapar jupanakar apnaqapxañapatak katuyaraktaxa.

Nehemías 9:34

Janiw reyinakaxasa, jilïrinakaxasa, sacerdotenakaxasa, nayra awkinakaxas kamachim phuqhapkänti, janirakiw kamachi arunakamsa ist'apkänti, iwxanakamsa yäqapkänti.

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 26:5

nayar luqtir profetanakan arunakaparus janirak ist'apkani, uka profetanaksti nayax mayamp mayampi khithanta, jumanakasti jupanakarux janiw ist'apktati,

Jeremías 29:19

Jumanakax janiw nayar luqtiri profetanakan iwxt'a arunakapar ist'apktati, nayasti mayamp mayampi jumanakarux uka profetanak khithanta, ukampis jumanakax janiw jupanakarux ist'apktati. Naya, Tatituw uk arsta.

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 32:34

Nayar katuyat utaxsa, uka axtaskañ yaqha idolonakap uchasisaw takisipxi.

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 7:13

Nayasti mayamp mayampi jumanakar ñanqha luratanakamat iwxapxsma, ukampis jumanakax janiw nayar ist'apkistati, janirakiw jaysapkistasa. Naya, Tatituw uk arsta.

Jeremías 7:17

¿Janit jumax uñjkta kuntix Judá markanakansa, Jerusalén markansa lurapki ukxa?

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Jeremías 7:25

Nayra awkinakamax Egiptot mistunipkäna ukat jichhakamasti, nayax jumanakarux maynit maynxaruw profetanak khithanipxsma.

Ezequiel 16:36

Naya, Tatituw sisma: Jumax jan p'inqanpachaw waynanakamampi wachuqa jucha lurañatakix janchimsa uñacht'ayastaxa, uka axtaskañ diosanakamar wawanakaman wilap wartasaw wilañcha luqtaraktaxa.

Ezequiel 16:47

Jumasti, jupanakjamarakiw q'añu luräwinakapa lurtaxa. Ukanakampi jan sisthapisasa, juman sarnaqäwinakamax jupanakan sarnaqäwinakapat sipan juk'ampi jan walïnwa.

Ezequiel 18:31

Naya nayraqatan lurapkta uka ñanqhanaksti mäpit apanukupxam, mä machaq chuymani, mä machaq ajayun tukupxarakim. Israel marka, janiw kunatsa jiwapxañamäkiti,

Ezequiel 8:10

Nayasti mantasin, kunayman katarinakan uñnaqapa, q'añu animalanakan uñnaqap uka pirqa irampachan qillqsuta uñjta, ukhamaraki Israel markan axtaskañ idolonakapa qillqsuta.

Daniel (hebreo) 9:6

Jumar arkir profetanakamar jan ist'asaw sarnaqapxta, jupanakax juman sutimxaruw nanakan reyinakaxaru, jilïrinakaxaru, nayra awkinakaxaru, taqi Israel markarus parlapxarakïna.

Zacarías 7:7

Kuntix jichhax sapksma ukxa, khä urunakaw profetanak tuqi sapxayäsma, kunapachatix Jerusalén markaxa, ukhamaraki uka thiya markanakasa, jaqin phuqt'atäskäna ukapacha, kunapachatix Néguev sat chiqana, ukhamaraki pampanakan suman jakasiñax utjkarakïna ukapacha.

1 Pedro 4:3

Jumanakasti kunjämtix Tatitur jan uñt'ir jaqinakax lurapki ukanak lurapxäyätaxa, jan walinak lurasa, jan walinak amtasa, manq'äwinak wakichasa, machantasisa, k'ari diosanakar yupaychasa.