Jeremías 44:16 - Qullan Arunaka DC

¹⁶ —Janiw nanakax ist'apkäti Tatitun sutiparu yatiyapkista uka arunakamaru.

Aymar Bibliia 1986

¹⁶ “Cuna arunactejj jumajj Tatitu toket apanipjjesta ucanacarojj janiw ist'apcäti.

Qullan Arunaca

¹⁶ “Cuna arunactejj jumajj Tatitu toket apanipjjesta ucanacarojj janiw ist'apcäti.

Jeremías 44:16 Jak'a apnaqawi uñst'ayäwi

Salmos 2:3

Jupanakax jach'at arsupxi: “¡Chinuntatäpktan ukanak t'aqanukupxañäni! ¡Ñach'antatäpktan ukanakat jararasipxañäni!” sasa.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Proverbios 1:24

Nayaw jumanakar jawsapxsma, ukampis jumanakax janiw ist'añ munapkistati.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 11:8

Ukampis janiw nayarux jaysapkituti, janirakiw ist'apkitusa, jan ukasti chuymanakapan jan wali amtatanakaparukiw arkxapxi. Janiw nayan arsut arunakar phuqhañ munapkänti, ukatpï jupanakxarux kuntix arust'äwin yatiykäyäta uka mutuyäwi apayantxa.’ ”

Jeremías 13:10

Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 38:4

Ukatsti uka jilïrinakax reyir sapxarakïnwa: —Jeremiasarux jiwayañawa, ukham parlatapampix kawkïr soldadonakatix markar qhiparapki, kawkïr jaqinakatix aka markankapki ukanakaruw ch'ama thayjtayi. Aka jaqix janiw aka markan askipa munkiti, jan ukasti aka markan aynacht'añap muni —sasa.

Jeremías 42:13

“Ukampis jumanakatix aka markar jan qhiparañ munapkstaxa, ukat Tatitu Diosamar jan ist'añ munasin

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 44:24

Ukhamarus Jeremías profetax taqpach markaru, warminakarus sarakïnwa: —Judá uraqinkir jaqinaka, khitinakatix Egipto markar jakir jutapkta ukanaka, Tatitun arunakap ist'apxam.

Jeremías 44:25

Israelan taqi ch'amani Tatitupax siwa: ‘Jumanakasa, warminakamasa, lakanakamampiw arsupxtaxa, uka arsutanakamsti luräwinakamampiw phuqhapxaraktaxa. Jumanakasti, Alaxpach Mamaru inciensompi, vinompi luqtasiñatakiw arsupxtaxa, uka arsüwinakamsti phuqhapxarakïtawa. ¡Jichhax walikiwa, kuntix arsupkta ukxa luräwinakamampix phuqhasipkakim!

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Jeremías 8:6

Taqi chuymaw ist'askarakïyäta, ukampis janiw maynis chiqpach arsurix utjkiti, janirakiw khitis ñanqha luratapat chuymay sirix utjkiti. ¡Janiw khitis nayaw ñanqha lurtxa sirix utjkiti! Taqinis kuntix munapki uk lurapxaraki, antutt'at caballonakar uñtataw uksa aksa jalanaqapxi.

Daniel (hebreo) 3:15

Jichhasti jumanakax musican toct'asitap ist'asin, killt'asipxäta, nayax luraykta uka dios nayraqatan yupaychapxarakïta. Jumanakatix jan yupaychapkätaxa, jichhpachaw mä aqkir hornor jaquntayapxäma, ¿khiti diosarak ukat qhispiyapxiristamsti? —sasa.

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

1 Samuel 8:19

Markasti Samuelun arunakapar jan ist'asax sasipkakïnwa: —Janiw ukax kunäkisa, nanakax mä reyinïñ munapxta,