Jeremías 43:7 - Qullan Arunaka DC

⁷ Tatitur jan ist'asaw taqi uka jaqinakax Egipto markar jakasir sarxapxäna, ukatsti Tafnes sata chiqaruw puripxäna.

Aymar Bibliia 1986

⁷ Take ucanacasti jan Tatitur ist'asaw Egipto tokeru jacasiri sarjjapjjäna, ucatsti Tafnes sisqui uca chekaruw puripjjäna.

Qullan Arunaca

⁷ Take ucanacasti jan Tatitur ist'asaw Egipto tokeru jacasiri sarjjapjjäna, ucatsti Tafnes sisqui uca chekaruw puripjjäna.

Jeremías 43:7 Jak'a apnaqawi uñst'ayäwi

2 Reyes 25:26

Ukatsti jaqinakax babilonio jaqinakar axsarapxatap laykusti jisk'asa jach'asa, ejerciton jilïrinakapasa taqiniw Egiptor jaltxapxäna.

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

Isaías 30:2

Mäkiw Egiptonkir reyirux yanap mayipxi, nayar jan jiskt'asaw ukham lurapxi; uka reyin ch'amaparuw katuyasipxi.

Isaías 30:4

Jumanakax Soan, Hanés uka markanakarusa khithanak khithasipksta ukasa,

Jeremías 2:16

Menfis, Tafnes siski uka chiqankir jaqinakaw p'iqsa ch'iyjapxaraktam.

Jeremías 41:17

Ukhamaw jupanakax Guerut-quimam sata chiqar puriniñkam jutantasipkäna, ukasti Belén sata jak'ankänwa, uka chiqanarak samart'apxäna. Jupanakan amtatanakapasti Egipto markar puriñänwa;

Jeremías 42:21

Nayasti jumanakarux yatiyapxsmawa, kuntix Tatitu Diosamax jumanakar yatiyañataki siskitu ukanakxa, ukampis jumanakax janiw ist'añ munapktati.

Jeremías 44:1

Jeremiasax kawkïr judionakatix Egipto uraqinkir Migdol, Tafnes, Menfis uka markanakan jakapkäna, ukhamaraki aynach tuqi uraqinakan jakapkäna ukanakatakiw aka arunak katuqäna:

Jeremías 44:24

Ukhamarus Jeremías profetax taqpach markaru, warminakarus sarakïnwa: —Judá uraqinkir jaqinaka, khitinakatix Egipto markar jakir jutapkta ukanaka, Tatitun arunakap ist'apxam.

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Ezequiel 30:18

Egipto markax wali ch'aman markawa, uka ch'amapaw jach'a jach'a tukuyaraki, ukampis uka ch'amap t'unjkä ukkhaxa, taqpach markaw ch'amakan jikxatasini; Tafnes sata markas ch'amakan jikxatasini, markanakapan jakir jaqinakarusti katuntat apasxapxarakini.