Jeremías 43:10 - Qullan Arunaka DC

¹⁰ Jupanakarusti sarakim: ‘Israelan taqi ch'amani Tatitu Diosapasti akham siwa: Nayaw Babilonia markan Nabucodonosor reyiparu irptayanï, ukatsti kawkharutix uka qalanak allintkta uka patxaruw qunuñap utt'ayarakï.

Aymar Bibliia 1986

¹⁰ Jupanacarusti saraquim: ‘Take ch'amani Israelan Tatitu Diosapasti aqham siwa: Nayasti Nabucodonosor sirvirejjwa irptayanï, Babilonia marcan reyiparu, ucatsti konuñapsa uqhamaraqui carpanacapsa cawqharutejj uca kalanaca imantcta uca patjjaruw utt'ayaraquï.

Qullan Arunaca

¹⁰ Jupanacarusti saraquim: ‘Take ch'amani Israelan Tatitu Diosapasti aqham siwa: Nayasti Nabucodonosor sirvirejjwa irptayanï, Babilonia marcan reyiparu, ucatsti konuñapsa uqhamaraqui carpanacapsa cawqharutejj uca kalanaca imantcta uca patjjaruw utt'ayaraquï.

Jeremías 43:10 Jak'a apnaqawi uñst'ayäwi

1 Reyes 20:12

Kunapachatix Ben-adad reyix yatiyäwi katuqkäna ukkhasti, maynïr reyinakamp chikaw machaskäna, wakichapkatayna uka chhujllanak manqhina. Ukat Ben-adad reyix jaqinakapar säna: “¡Nuwantañäni!” sasa. Ukatsti taqiniw markar katuntañatak wakichasipxäna.

1 Reyes 20:16

Jupanakasti chika uruw Siria ejercitor nuwantir mistupxäna, ukchañkamasti Ben-adad reyimpi, jupar jaqkattat uka kimsa tunka payan reyinakampisti machasipkakïnwa, wakichapkatayna uka chhujllanakana,

Salmos 18:11

11 (12) Ch'amak taypiruw imantasïna, ch'iyär ch'amaka uman phuqhantat qinayanak taypiru, uka qinayaw q'al chhaqtayäna.

Salmos 27:5

Jan walt'añ urunak purinkan ukapachaxa, Tatituw utapan imantitani; ch'iwipampiw imxäsitani. ¡Mä qarqa patxarjamaw sayt'ayitani!

Salmos 31:20

20 (21) Jupanakampïtamat ñanqha luririnakan jan wali amtäwinakapat qhispiytaxa; uñisirinakapampi jan tuqiyañatakisti jupanakarux utamaruw imanttaxa.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Isaías 45:1

Tatituw Ciro chacharux Persia markan reyipat utt'ayi, markanakaruw atipjayi, reyinakaparusti jan nuwaskir antuti. Tatitusti taqi markanakarux Ciro reyir jan saykatkir luri. Ukat saraki:

Jeremías 1:15

Naya, Tatituw uk arsta, amsta tuqinkir marka apnaqäwinakaruw jawsarakï. Reyinakapasti jutasinxa, pachpa Jerusalén marka mantañaruw reyi qunuñanakap uskusipxani, muyuntki uka pirqanakapa uñkatasiru, Judá uraqin utjir taqi markanak nayraqataru.

Jeremías 43:9

“Mä qawqha jach'a qalanak aptam, ukatsti Judá uraqit jutiri taqi jaqinakan uñjkata, reyin utapar mantañäkis uka uñkatasir allintam.

Jeremías 46:13

Kunapachatix Babiloniankir Nabucodonosor reyix Egiptor nuwantañatak jutkäna, ukapachaw Tatitux Jeremías profetar parläna:

Jeremías 49:38

Reyiparusa, jilïrinakaparusa q'al jiwarayä, nayaw Elam markan reyipäyä. Naya, Tatituw uk arsta.

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Mateo 22:7

Uk yatisinxa, reyix wal phiñasïna, ukat soldadonakaparux khithäna uka jiwayir jaqinakar jiwarayaniñapataki, markaparus ninampi phichhantañapataki.