Jeremías 42:4 - Qullan Arunaka DC

⁴ Jeremías profetasti jupanakarux sarakïnwa: —Walikiwa. Nayaw jumanakatak Tatitut mayirapipxäma, kunjämtix sapkista ukhamarjama, ukatsti jan kunsa imt'asaw kuntix Tatitux siskitani taqi ukanak yatiyxapxarakïma —sasa.

Aymar Bibliia 1986

⁴ Jeremías chachasti jupanacarojj saraquïnwa: —Waliquiwa. Nayaw jumanacataqui Diosamat mayirapipjjäma, cunjämtejj sapquista uqhamarjama, ucatsti yatiyjjapjjaraquïmawa cuntejj Tatitojj sisquitani take ucanaca, jan cunsa imt'asa —sasa.

Qullan Arunaca

⁴ Jeremías chachasti jupanacarojj saraquïnwa: —Waliquiwa. Nayaw jumanacataqui Diosamat mayirapipjjäma, cunjämtejj sapquista uqhamarjama, ucatsti yatiyjjapjjaraquïmawa cuntejj Tatitojj sisquitani take ucanaca, jan cunsa imt'asa —sasa.

Jeremías 42:4 Jak'a apnaqawi uñst'ayäwi

Salmos 40:10

10 (11) Aski kankañamat arsuñxa, janiw chuymaxar imantkti; arsutam phuqhirïtamampita, qhispiyäwimampit yatiyta. Jach'a tantachasïwi taypinsti, janipuniw khuyapayasiñamampita, aski kankañamampit amukt'kti.

Éxodo 8:29

29 (25) Moisesasti sarakïnwa: —Nayax akat mistusin Tatituruw mayï, juma jak'ata, yanapirinakam jak'ata, taqi jaqinakam jak'at arumanthix jach'a chhichhillankhanakax sarxañapataki, jumatix nanakar jan sallqjasipkakitäta, janirak israelitanakan Tatitur wilañcha luqtir sarañapsa jark'käta ukapacha —sasa.

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Jeremías 23:35

Kunapachatix maynix mä masiparu, jan ukax mä wila masiparus jiskt'anixa, jupax sarakiniwa: ‘¿Kunsa Tatitux arusxati? ¿Kamsis Tatituxa?’ sasa.

Jeremías 26:2

akham sasa: “Templon anqäxapar sayt'asim, ukatsti kuntix Judá markanakat sisksma ukanak khitinakatix templor yupaychir jutapki ukanakar yatiyam. Janipun mä arsa imaqamti.

Ezequiel 2:7

Jumax nayan arunakax jupanakar qhanañcham, ist'apxpasa janis ist'apkpan, jupanakax qallasir jaqinakawa.

Hechos 20:20

Ukampis jumanakar Tatitun arunakapat parlañ janiw inakt'kti, jumanakatak askïtap layku, taqi jaqin uñjkataw jumanakar yatichapxsma, utanakaman yatichapxaraksma.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Romanos 10:1

Jilatanaka, chuymaxan wal munta, Diosat mayiskarakta israelitanakan qhispitäpxañapataki.

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.