Jeremías 42:21 - Qullan Arunaka DC

²¹ Nayasti jumanakarux yatiyapxsmawa, kuntix Tatitu Diosamax jumanakar yatiyañataki siskitu ukanakxa, ukampis jumanakax janiw ist'añ munapktati.

Aymar Bibliia 1986

²¹ Nayasti jumanacarojj yatiyapjjsmawa, cuntejj Tatitu Diosamajj jumanacar yatiyañataqui sisquitu ucanacjja, ucampisa jumanacajj janiw ist'añ munapctati.

Qullan Arunaca

²¹ Nayasti jumanacarojj yatiyapjjsmawa, cuntejj Tatitu Diosamajj jumanacar yatiyañataqui sisquitu ucanacjja, ucampisa jumanacajj janiw ist'añ munapctati.

Jeremías 42:21 Jak'a apnaqawi uñst'ayäwi

Salmos 81:12

12 (13) Ukat munañaparjam sarnaqayta, munataparjamaw jakapxarakïna.

Jeremías 43:1

Kunapachatix Jeremiasax kuntix Tatitu Diosax siskatayna ukanak jaqinakar yatiyañ tukuyxän ukkhasti,

Jeremías 43:4

Ukhamapï, janiw Johanán jaqisa, jilïr militaranakasa, taqi jaqinakasa Judá uraqir qhiparapkänti; ukhamat Tatitun arsutapar jan ist'apkänti.

Jeremías 43:7

Tatitur jan ist'asaw taqi uka jaqinakax Egipto markar jakasir sarxapxäna, ukatsti Tafnes sata chiqaruw puripxäna.

Ezequiel 2:7

Jumax nayan arunakax jupanakar qhanañcham, ist'apxpasa janis ist'apkpan, jupanakax qallasir jaqinakawa.

Ezequiel 3:17

“Jaqin yuqapa, nayax Israel markan uñjiripat usksma. Nayax kunsa jumar yatiykäma ukkhasti, jank'akiw Israel markarux yatiyañama, ukhamat jupanakan taqi kunsa suma yatipxañapataki.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Ezequiel 33:32

Jupanakasti jumax munasiñ q'uchunak q'uchurïkasmas ukhamak amuyapxtamxa, suma q'ucht'irïkasmasa, arpsa sum toct'kasma ukhama. Arunakam ist'apxiwa, ukampis janiw uka arunakarjam sarnaqapkiti.

Hechos 20:20

Ukampis jumanakar Tatitun arunakapat parlañ janiw inakt'kti, jumanakatak askïtap layku, taqi jaqin uñjkataw jumanakar yatichapxsma, utanakaman yatichapxaraksma.

Deuteronomio 29:19

19 (18) “Ukhamasti aka juramento arunak ist'asintix jumanakat khitis jupa pachpa suma jaqïtap amuyasis akham sani: ‘Taqi kunaw nayatakix walt'askani, munañaxar lurkä ukkhasa’ sasa, uka jaqiw juchanïni Diosan taqi Israel markpachar mutuyañapatakixa.

Deuteronomio 30:15

“Uñjapxam, jichhüruw ajllisipxañamatak uñachayapxsma, mä tuqitxa jakañampi, suma sarnaqañampi; mä tuqitsti jiwañampi jan walt'añampi.

Deuteronomio 30:19

Alaxpachampi, akapachampiw qhanañchani; jichhürun nayan jumanakar jakañampita, jiwañampita ajllisiñamatak uñachayataxa; ukhamarak aski waxt'äwimpita, ñanqhachäwimpit ajllisipxañamataki. Ukhamax jakañay ajllisipxam, jumanakasa, wawanakamasa jakapxañamataki;