Jeremías 42:19 - Qullan Arunaka DC

¹⁹ Jumanaka, khitinakatix Judá uraqir qhiparasipkta ukanakarusti, Tatitux sapxtamwa, ‘Egiptor jan sarapxamti’ sasa. Jichhasti sum ist'apxam, nayaw ukxa jumanakar yatiyapxsma.

Aymar Bibliia 1986

¹⁹ Jumanacarusti, qhitinacatejj Judá orakeru kheparasipcta ucanacarusti, Tatitojj sapjjtamwa, ‘Jan Egiptor sarapjjamti’ sasa. Jichhasti sum ist'apjjam, nayaw ucjja jumanacaru yatiyapjjsma.

Qullan Arunaca

¹⁹ Jumanacarusti, qhitinacatejj Judá orakeru kheparasipcta ucanacarusti, Tatitojj sapjjtamwa, ‘Jan Egiptor sarapjjamti’ sasa. Jichhasti sum ist'apjjam, nayaw ucjja jumanacaru yatiyapjjsma.

Jeremías 42:19 Jak'a apnaqawi uñst'ayäwi

2 Crónicas 24:19

Ukampisa, Tatitux profetanak khithanïna, jupan ukar kutt'anxapxañapataki. Jaqinakasti janiw profetanakan iwxa arunakaparux ist'apkänti.

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Isaías 21:12

Marka uñjiristi sarakiwa: “Jank'akiw samarañ urunakax purinxani, ukampis mutuyäwix kutt'aniniwa. Juk'amp yatiñ munapxsta ukapachaxa, wakisiw jiskt'asipkañamaki” sasa.

Jeremías 38:21

Ukampis juma, jach'a reyitix jan jayskätaxa, kunatix luraskani ukanakat Tatitux nayar yatiyarakitu.

Ezequiel 17:15

Ukampis uka reyin jilïr yuqapax Babiloniankir reyitakix sayt'asïnwa, ukatsti Egiptoruw yatiyirinak khithäna, caballonaka, walja soldadonak mayiniñapataki. ¿Jumanakasti amuyapxtati ukanak lurasin atipjañapa, jiwañatsa jaltxañapxa? ¿Uka arust'äwir jan phuqhiristi jiwañat qhispispati?

Ezequiel 2:5

Parlatamarux ist'apxpas janis ist'apkpan, jupanakax nayatak sayt'asir jaqinakäpxiwa, ukampis uka parlatamampix jupanakax mä profetan jupanak taypin utjatap yatipxani.

Ezequiel 3:21

Ukampis jumatix uka jaqir amuyt'ayäta, ukatsti jupax janirak juk'ampi jucha lurkxaniti ukkhaxa, juman arum ist'atapat jupax jakaskakiniwa, jumasti janirakiw kuna juchanïkätasa” sasa.

Números 14:3

¿Kunatakirak Tatitusti aka uraqir irpanpachïstusti? ¿Jiwasan nuwasïwin jiwarañasataki, warminakasasa, wawanakasas uñisirisan amparapar katuntat uñjasiñasatakit irpanpachïstusti? ¡Egiptor kuttxañasakiw walïspa!” sasa.

Hechos 2:40

Pedrosti uka arunakampi, yaqha arunakampi kunaw jupanakar parläna, iwxt'asin sarakïna: —¡Aka ñanqha jucharar jakañat jithiqtapxam! —sasa.

Efesios 4:17

Ukhamasti ak jumanakar Tatitun sutipxar iwxt'apxsma: Janiy juk'ampi Diosar jan uñt'irinakjam jakxapxamti, jupanakax pantjat amuyunakaparjamakiw jakapxi,

Deuteronomio 17:16

Ajllitäkani uka reyisti janiw walja caballonak alañapäkiti, janirakiw jaqinaksa Egipto markar khithañapäkiti caballeriap yapxatañatakixa; Tatitusti jumanakarux sapxtamwa: ‘Jan mayampis uka thakhinjam kuttapxamti’ sasa.

Deuteronomio 31:21

Kunapachatix jupanakxaru wali jan walt'añanakampi, llakinakamp jutkani ukapachasti, aka q'uchux jupanakatak mä qhanañchäwïniwa, qhipa wawanakapasti amtapxaniwa, ukatsti q'uchupxarakiniwa; ukampis kawkïr uraqtix churañ arskta ukar janïr mantapkipanxa, nayax yatxtwa kawksaru chuymanakapan wayusitapsa” sasa.

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.