Jeremías 42:18 - Qullan Arunaka DC

¹⁸ “Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Aymar Bibliia 1986

¹⁸ “Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Qullan Arunaca

¹⁸ “Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 42:18 Jak'a apnaqawi uñst'ayäwi

2 Crónicas 34:25

Nayat armasipxituwa, yaqha diosanakaruw inciensonak nakt'ayapxi, uka luratanakapampi nayar q'apisiyasa; ukat q'apisiñaxax aka chiqatak nakti, ukasti janiw jiwt'kaniti.

Isaías 30:3

Ukampis faraón reyix janiw arxatapkätamti, Egipto markas janirakiw katuqapkätamti.

Isaías 65:15

Nayan ajllitanakaxarusti suma suti churä; ukampis jumanakan sutinakamasti mayninakar ñanqhachañatak aytatäniwa.

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 22:27

Kawkïr markarutix walpun kuttaniñ munapkäta uka markarusti janipuniw kuttanipkätati.

Jeremías 23:40

Jumanakxarux wiñay jisk'achjatäñampi, p'inqachjatäñampi apanïxa, ukham luratatsti janipuniw kunapachas armt'asipkätati.’ ”

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 29:22

Ukatsti, kawkïrinakatix Judá uraqit Babilonia uraqir apanukutäpki ukanakax maynir ñanqhachañ munapkani ukkhax sapxaniwa: Tatitux jumampix lurpan kunjämtix Sedequías, Acab, uka paninir Babiloniankir reyix ninar phichhantkänxa, ukhamarak jumampix lurpan, sasa.

Jeremías 44:12

Khitinakatix Judá uraqir qhiparapkäna, ukatsti Egipto markar jakir sarxañatak wayt'asipki ukanakax uka markan jiwarapxani. Taqiniw jiwarapxani, nuwasïwina, jan ukax manq'atjamasa, jisk'at qalltasina jach'akama, ukatsti markanak taypinxa ñanqhachata, jisk'achjataw uñjasipxani.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 44:8

Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Jeremías 6:11

Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Lamentaciones 2:4

Tatitux mä uñisirïkaspas ukhamaw mich'ip antutt'añatak wakicht'asi; awqäkaspas ukhamarakiw taqi kunatix sumäki ukanak t'unjawayi; phiñasiñapxa mä ninjamaw ukkha suma Jerusalén markxar jaqxatani.

Lamentaciones 2:6

Qullana utapsti, mä lunthatjamaw t'unjawayi; tantachasiñäki uka chiqsa q'al t'unjawayi. Tatitux Jerusalén markanxa, sábado urunakatsa, phunchhäwi urunakatsa armasiyistuwa. Aqkir phiñasiñapansti, sacerdoterusa, reyirusa apanukuwa.

Lamentaciones 4:11

Tatitun phiñasiñapax sinti jach'apunïnwa, aqkir phiñasiñapax jan t'akuykayänwa; Jerusalén markarusti ninampiw phichkatäna, uraqitpach q'al t'unjarakïna.

Ezequiel 20:34

Nayaw kawkïr markanak taypintix ananukut jikxatasipkta ukanakatxa, tantachthapinipxäma, jach'a ch'amaxa uñacht'ayasa phiñasiñampi mutuyasa.

Ezequiel 22:22

Kunjämatix qullqix ninan umatatkixa, ukhamarakiw jumanakax marka taypin umatatayata uñjasipxäta, ukhamat jumanakax yatipxäta, naya, Tatitun q'apisiñaxa jumanakxar wartanitaxa” sasa.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Daniel (hebreo) 9:27

Mä semanan uka jan wali reyix walja jaqinakamp suma arust'äwir mantani, chika semanarusti waxt'äwinak luqtasiñanaksa jark'xaniwa, wilañchanak luqtasiñ altaransti, jan walinak lurasaw Tatitur ñanqhachasini. Uka qhipatsti, Tatitux khititix jan walinak luras jupar ñanqhachki ukarux t'unjaniwa.’ ”

Oseas 7:16

Yaqha diosanakar yupaychiriw sarxapxi; wixru mich'inak antutt'añar uñtatäpxiwa, mich'inakapasti janirakiw kawkharutix puriñapäki ukkhar purkiti. Jan walinak parlapxatapatsti, jilïrinakapax espadampi jiwarayatäpxaniwa, Egiptonsti jupanakat larusipxaniwa.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Zacarías 8:13

Judá markankirinaka, Israel markankirinaka, jumanakax yaqha markanak taypinxa taqinin ñanqhachat markäpxäyätawa, jichhax nayaw qhispiyapxäma, askiruw tukuyapxäma. ¡Jan axsarapxamti! ¡Ch'amañchasipxam!”

Números 5:27

uka warmitix chachapar sallqjchïn ukapachaxa, uka k'allk'u umax wali k'allk'uw tukurapini, ukatsti purakap ch'itkatayani, janirakiw wawanïkanisa, markap taypinsti ñanqhachataw uñjasini.

Apocalipsis 14:10

Diosat jutkani uka jach'a mutuyäwi katuqani, q'apisiñapasti wakichatawa; azufrempi ninampi t'aqhisiyataw uñjasini, qullan angelanakampi, Corderompiw mutupxatap uñjapxani.