Jeremías 42:16 - Qullan Arunaka DC

¹⁶ kuna nuwasiñarutix jumanakax wali axsarapxta ukhamaraki uka jach'a mach'arusa, ukanakax pachpa Egipton jumanakarux jikxatapxätam, ukatsti uka pachpa uraqin jiwarapxarakïta.

Aymar Bibliia 1986

¹⁶ cuna guerrarutejj jumanacajj wali ajjsarapjjta uqhamaraqui uca jach'a mach'aru ajjsarapcta ucajj pachpa Egiptonwa jumanacaru jicjjatapjjätam, ucatsti uca pachpa orakenwa jiwarapjjaraquïta.

Qullan Arunaca

¹⁶ cuna guerrarutejj jumanacajj wali ajjsarapjjta uqhamaraqui uca jach'a mach'aru ajjsarapcta ucajj pachpa Egiptonwa jumanacaru jicjjatapjjätam, ucatsti uca pachpa orakenwa jiwarapjjaraquïta.

Jeremías 42:16 Jak'a apnaqawi uñst'ayäwi

Proverbios 13:21

Jucharar jaqinakax jan walt'añampi arknaqatäpxiwa, aski jaqinakasti suma churäwi katuqapxani.

Jeremías 27:8

Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Jeremías 41:18

ukhamat babilonionakat jaltxañataki, Ismael chachan Guedaliasar jiwayatap laykuw uka babilonionakarux wal axsarapxäna, Guedaliasasti Babiloniankir reyin utt'ayatarakïnwa uka marka apnaqañapataki.

Jeremías 42:13

“Ukampis jumanakatix aka markar jan qhiparañ munapkstaxa, ukat Tatitu Diosamar jan ist'añ munasin

Jeremías 44:27

Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.

Ezequiel 11:8

Jumanakax nuwasïwin jiwarañ axsarapxtawa, ukampis nayaw nuwasiñanak jumanakxarux apayanï. Naya, Tatituw uk arsta, arsutaxarusti phuqhapunïwa.

Zacarías 1:6

Jupanakarusti nayax juchanakapat mutuyta, kunjämtix profetanakaxax jupanakar yatiykatayna ukhamarjama. Jupanakasti wasitat amuyt'asisin nayar jaysxapxitu, naya taqi ch'amani Tatitun jupanakan sarnaqäwiparjama, luräwiparjama uñjañaxax wakisitap uñt'asa.’ ”

Juan 11:48

Ukhamaktix jaytañänixa, taqiniw jupar iyawsapxani; ukatsti romankir jilïrinakax jutasin Tatitun utapampi, markasampi t'unjani —sasa.

Deuteronomio 28:15

“Ukampis jumatix Tatit Diosamar jan ist'käta, janirak kamachi arunakaparjamasa, kamachinakaparjamas sarnaqkäta, jichhürun churksma uka iwxanakarus phuqkarakïta ukkhaxa, taqi aka ñanqhachäwinakaw jumxar jutani:

Deuteronomio 28:22

Ukhamarakiw apayanïtam jiwañ usunaka, ñanqha usunaka, p'usu usunaka, sinti junt'u pachanaka, waña pachanaka, trigo yapunakam tukjir laq'unaka, ukatsti kunayman usunakaw jumar t'unjañkam arkanaqätam.

Deuteronomio 28:45

“Taqi aka ñanqhachäwinakaw jumxarux jutani, ukatsti jumar tukjañatak jikxatañkamaw arkätam, Tatit Diosamar jan ist'añ munatamata, janirak jupan iwxata kamachi arunakapar phuqhañsa munatamata.