Jeremías 41:9 - Qullan Arunaka DC

⁹ Kawkïr phuch'urutix Ismael jaqix uka jiwarat jaqinakan janchinakap jaquntkäna ukasti, Asá sat reyin lurayasit pachpa phuch'ünwa, uksti Baasá sat Israelan reyipax jupampi nuwasir sarkatayna ukat jark'aqasiñatakïnwa. Uka phuch'usti wali jach'änwa, ukampis khitinakarutix Ismael jaqix jiwaraykatayna uka jiwatanakan janchipampi phuqhantatäxänwa.

Aymar Bibliia 1986

⁹ Cawquïri p'iyarutejj Ismaelojj uca jiwarat jakenacan janchinacapa willintcäna ucasti pachpa cuntejj Asa sat reyejj lurayascatayna cunapachatejj Baasa sat Israelan reyipajj jupampi nuwasir sarcatayna uca pachpa p'iyänwa. Uca p'iyasti wali jach'änwa, ucampisa cuntejj Ismael jakejj jiwaraycatayna uca jiwatanacampi phokhantatajjänwa.

Qullan Arunaca

⁹ Cawquïri p'iyarutejj Ismaelojj uca jiwarat jakenacan janchinacapa willintcäna ucasti pachpa cuntejj Asa sat reyejj lurayascatayna cunapachatejj Baasa sat Israelan reyipajj jupampi nuwasir sarcatayna uca pachpa p'iyänwa. Uca p'iyasti wali jach'änwa, ucampisa cuntejj Ismael jakejj jiwaraycatayna uca jiwatanacampi phokhantatajjänwa.

Jeremías 41:9 Jak'a apnaqawi uñst'ayäwi

2 Samuel 17:9

Jichhas yaqha chiqan mä putun imantatäskpachawa. Ukhamaraki juman soldadonakaman nayrïr nuwasïwin mä qawqhani jiwaqatapatix ist'asini ukapachasti, yaqhipanakax juman arkirinakaman q'ala tukjatäpkaspas ukham amuyxapxani;

Isaías 14:19

ukampis jumarux amay imañ chiqatxa jayaruw liwtapxtam, mä axtaskañ t'unäkasmas ukhama, jaqin takisit amayarjamaw liwtapxtam, jaqin jiwarayatanak taypina, p'iqi apaqat jaqinak taypina, qalarar ch'amak manqhar jaquntataraki.

Hebreos 11:38

Akapachax janiw jupanakatakix askïkänti; wasaranakana, qullunakana, putunakana, uraq p'iyanakan khuy aka sarnaqapxäna.

Jueces 6:2

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

1 Samuel 13:6

Israelitanakasti jan walt'añan jikxatasipxäna, filisteonakan jupanakar nuwantatap laykusti putunakaru, uraqi p'ujrunakaru, qarqa taypinakaru, q'awanakaru, phujunakaruw imantasipxäna.

1 Samuel 14:11

Ukhamaw jupanakax filisteo soldadonakampix panpachani uñjayasipxäna. Soldadonakasti uñjasax sapxänwa: “Uñtapxam, israelitanakax kawkïri putunakarutix imantasipkäna ukanakat misturanxapxiwa” sasa.

1 Samuel 14:22

Efraín qullunakan imantasitäpkän uka israelitanakasti, filisteonakan chhuktxatap yatisinxa, jupanakar tukjañatakiw arktapxäna.

1 Samuel 24:3

3 (4) Sarkasinsti mä oveja uyunakawjaruw purïna. Uka jak'ansti mä putuw utjäna, ukan Davidampi jaqinakapampix imantasitäsipkäna. Saúl reyisti uka puturux yaq'art'iriw mantäna,