Jeremías 41:8 - Qullan Arunaka DC

⁸ Ukampisa, uka jaqinakat tunka chachanakaw Ismael chacharux sapxäna: —Janikiy jiwayapxistati. Nanakanxa trigo, cebada, aceite, misk'i ukanakaw pampan imantat utjasipkitu —sasa. Ukhamasti Ismael chachax janiw mayni masinakaparjam jiwaraykänti.

Aymar Bibliia 1986

⁸ Ucampisa, uca jakenacata tunca chachanacaw sartasin Ismael chacharojj sapjjaraquïna: “Janiquiya jiwayapjjestati. Nanacanjja trigo, cebada, aceite, uqhamaraqui misq'i ucanacaw pampan imantata utjasipquitu” sasa. Uqhamasti Ismael chachajj janiw mayni jakenacarjama jiwaraycaraquïnti.

Qullan Arunaca

⁸ Ucampisa, uca jakenacata tunca chachanacaw sartasin Ismael chacharojj sapjjaraquïna: “Janiquiya jiwayapjjestati. Nanacanjja trigo, cebada, aceite, uqhamaraqui misq'i ucanacaw pampan imantata utjasipquitu” sasa. Uqhamasti Ismael chachajj janiw mayni jakenacarjama jiwaraycaraquïnti.

Jeremías 41:8 Jak'a apnaqawi uñst'ayäwi

Job 2:4

Ukat juchañchir angelax Tatitur sarakïna: —Mä jaqin jakañaptix jan khitis llamkt'kani ukaxa, jupatakix taqi kunas walikïskaniwa, ukampisa jaqix jakañap qhispiyasiñ laykux kuns lurakispawa.

Proverbios 13:8

Qamir jaqirux yänakapaw jakañap qhispiyi; jan kunan jaqisti janiw kunapachas axsarayañanak ist'kiti.

Isaías 45:3

Nayaw jumarux imantat yänak katuyäma, kuna qamir yänakatix jamasan imantatäki ukanaka. Ukhamat yatïta nayan Tatitütaxa, Israelan mä sapa Diosapätapa.

Jeremías 41:9

Kawkïr phuch'urutix Ismael jaqix uka jiwarat jaqinakan janchinakap jaquntkäna ukasti, Asá sat reyin lurayasit pachpa phuch'ünwa, uksti Baasá sat Israelan reyipax jupampi nuwasir sarkatayna ukat jark'aqasiñatakïnwa. Uka phuch'usti wali jach'änwa, ukampis khitinakarutix Ismael jaqix jiwaraykatayna uka jiwatanakan janchipampi phuqhantatäxänwa.

Mateo 16:26

¿Kuna askirakïspa jaqitakisti taqpach uraqix jupankxaspa, ukat jakañap apt'asispa ukasti? Jan ukax ¿qawqhampis mä jaqix jakañap alasispasti?

Mateo 6:25

“Sapxaraksmawa: Jan llakisipxamti, kuntix manq'apkäta, umapkäta, isisipkäta ukanakata. ¿Janit jakañax manq'at sipan juk'ampïki, janchis isit sipan juk'ampïkisti?