Jeremías 41:5 - Qullan Arunaka DC

⁵ ukapachasti Siquem, Siló, Samaria tuqinakat kimsaqallqu tunka jaqinakaw purintanipxäna, sunkhanakapas mururata, isinakapas ch'iyanuqata, janchinakapas jupanakpachan q'ala chhuxriñchjasita. Ukhamarus granonaka, inciensonaka apanipxäna Tatitun utapan Tatitur luqtañataki.

Aymar Bibliia 1986

⁵ ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Qullan Arunaca

⁵ ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Jeremías 41:5 Jak'a apnaqawi uñst'ayäwi

Génesis 33:18

Kunapachatix Jacobux Padán-aram chiqat kuttankän ukkhaxa, k'umaraw Canaán uraqir purïna, ukatsti Siquem sat marka uñkatasin utjnuqtäna.

Génesis 34:2

ukampisa juparux Jamor sat heveo jaqin Siquem sat yuqapaw uñjäna. Uka Jamor jaqisti uka chiqan mä jach'a jilïrïnwa, ukatsti munkir jan munkir jupampi ikintäna, ukhamat tawaqur jisk'achjäna.

Génesis 37:12

Mä urusti Josean jilanakapax Siquem tuqin awkipan ovejanakap awatisipkäna.

2 Samuel 10:4

Ukat Hanún sat reyix Davidan yanapirinakapar katuntayäna, ukatsti sunkhanakapsa chikatpach mururayäna, isinakapsa qhipäxkamaw ch'iyaqayäna. Ukat jupanakar khithanukxäna.

1 Reyes 12:1

Roboam chachasti Siquem chiqaruw saräna, uka chiqaru Israel markpachaw jupar reyit utt'ayir sarapxatayna.

1 Reyes 12:25

Jeroboam reyix Efraín qullunakan jikxataski uka Siquem marka wasitat luräna, ukasti ukan utjasirakïna. Ukxarusti Penuel marka wasitat lurarakïna.

1 Reyes 16:24

Omrí reyisti Sémer sat chachat Samaria qullu alasïna suxta tunka suxtani kilo qullqimpi, uka qullun mä marka sayt'ayäna, nuwasiñataki suma uyuchrantat lurata, uka markarusti Samaria sutimpiw uchäna, Sémer chachan qullupätap layku.

1 Reyes 16:29

Asá reyix Judá uraqin kimsa tunka kimsaqallqun mara apnaqkän ukapachaw, Omrí chachan Ahab yuqapax Israelan apnaqañ qalltäna. Jupasti Israel markarux pä tunka payan maraw Samaria markan apnaqäna.

2 Reyes 25:9

jupasti ninampiw Tatitun utap nakhantayäna, ukhamaraki reyin utapampi, markan utjir utanakampi, juk'ampisa wali aytat jaqinakan taqpach utanakapampi,

1 Crónicas 19:4

Ukatsti Hanún reyix Davidan jaqinakaparuw katurayäna, ukatsti sunkhanakap khithurayäna, isinakapsa jikhanit aynach tuqirux q'al ch'iyanuqayäna. Ukat khithanukxäna.

Salmos 102:14

14 (15) Uywatanakamax markapan qalanakaparuw munasipxi, t'unjat pirqanakapat jachapxi.

Salmos 78:60

ukat Siló chiqan utjäwip jaytanukxäna, jaqinak taypin qullan utjäwip apanukxäna.

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Jeremías 16:6

Aka markanxa jisk'as jach'as taqiniw jiwarapxani; janiw khitis jupanakarux imt'kaniti, janiw jachapkanisa, janirakiw janchinakapsa chhuxriñchasipkaniti, ñik'utanakapsa mururasipkaniti jupanakan jiwarapxatapatxa.

Jeremías 41:4

Qhipürusti, janiw khitis Guedaliasan jiwayatätap yatkänti,

Jeremías 47:5

Gaza markankirinakax ñik'utap q'al mururasipxi, Ascalón markankirinakasti amutuw qhiparapxi. Nayra pacha jach'a tansa jaqinakat jilt'iri, usuyasitam uñacht'ayañatakix ¿kunapachkamas janchim kharinuqasïta?

Jeremías 48:37

P'iqi ñik'utanakapas mururatkamakiwa, sunkhanakapas khithuratkamakiwa; taqiniw amparanakap chhuxriñchjasipxi, chhankha isinakampiw isthapisipxaraki.

Jeremías 7:12

Israelitanaka, jichhax Siló siski uka chiqan nayan ajllit qullan utaxar sarapxam, kawkhantix qalltatpach nayar yupaychapkäyäta uka chiqaru, jumanakan juchanakam laykuw uka utxa q'al t'unthapta.

Jeremías 7:14

Ukat jichhax, kuntix Siló chiqan qullan utaxampi lurkta, ukhamarakiw jichhax aka nayar luqtata utaxampix lurä, aka utsti jumanakampiru nayra pacha awkinakamampiruw churta, jumanakasti uka utaruw wal alkatasipxaraktaxa.

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Deuteronomio 14:1

“Jumanakax Tatit Diosaman wawanakapäpxtawa. Maynitix jiwani ukkhaxa, jan jumanakax janchinakam kharintasipxamti, janirak ñik'utanakamsa mururasipxamti.

Josué 18:1

Israel markax taqiniw Siló chiqan tantachasipxäna, uka chiqan Tatitump Jikisiñ Carpa sayt'ayañataki, ukapachatakix uraqix niyaw katuntatäxäna,

Josué 24:32

Josean ch'akhanakapxa, kawkïrinaktix Israelitanakax Egipto markatpach apanipkatayna ukanaksti, Siquem markankir mä uraqiruw imantxapxäna. Uka uraqxa Jacob chachaw Hamor chachan wawanakapat patak qullqimpi alatayna, Siquem chachan awkipa, ukhamat uka uraqix José chachat saraqir wawanakapar wakt'arakïna.

Jueces 18:31

Micaías chachan lurata idolox ukawjan jupanak taypinkäna, Tatitun qullan utapax Siló chiqankkän uka urunakana.

Jueces 9:1

Gedeonan Abimélec yuqapax Siquem chiqaruw saräna, taykapan wila masinakapamp parliri, jupanakarusti sänwa:

1 Samuel 1:7

Sapa marapuniwa, kunapachatix Tatitun utapar sarapxirïkän ukkhaw Peninax Anar ukham jisk'achjirïna; ukat Anax wal jachirïna janirakiw manq'sa munirikänti.