Jeremías 40:8 - Qullan Arunaka DC

⁸ taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Aymar Bibliia 1986

⁸ takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Qullan Arunaca

⁸ takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Jeremías 40:8 Jak'a apnaqawi uñst'ayäwi

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

2 Samuel 10:8

Amonita jaqinakasti jutantapxänwa, ukatsti nuwasiñatakiw wakichasipxäna pachpa markar mantañ punkuna, ukchañkamasti Sobá, Rehob chiqankir sirio soldadonakampi, Tob, Maacá reyinakan soldadonakapampixa, uka pampanakan nuwasiñatakiw wakichasipxarakïna.

2 Samuel 23:34

Maacá chiqankir Ahasbai jaqin Elifélet yuqapa; Siló chiqankir Ahitófel jaqin Eliam yuqapa.

2 Reyes 25:23

Ukatsti kunapachatix Judá ejercitonkir jilïrinakasa, jaqinakapas uk yatipxäna ukkhaxa, jupanakax Guedalías chachampi parliriw Mispá chiqar sarapxäna. Jupanak taypinsti aka chachanakänwa: Netanías chachan Ismael yuqapa; Caréah chachan Johanán yuqapa; Netofá chiqankir Tanhúmet chachan Serahías yuqapa; Maacá markankir mä chachan Jaazanías yuqapa.

2 Reyes 25:25

Ukampis kunapachatix Guedaliasax paqallqu phaxsi marka apnaqañ phuqkän ukapachaxa, Judá markankir reyinakat saraqir Ismael chachaw tunka jaqinakamp chikt'at Mispá chiqar purinïna, ukatsti jupax Guedalías chacharux jiwayänwa, jupar yanapiri judionakarusa, babilonio jaqinakarusa jiwayarakïna.

1 Crónicas 11:30

Netofá chiqankir Maharai; Héled, Baaná chachan yuqapa, Netofá chiqankiriraki;

1 Crónicas 2:48

Maacá sat Caleb chachan uñt'atapax Séber, Tirhaná,

1 Crónicas 2:54

Salmá chachan wawanakapa: Belén, netofatitanaka, Atrot-bet-joab, manahetitanakat chikat jaqinaka, soreitanaka,

Esdras 2:22

Netofá chiqatxa, phisqa tunk suxtani.

Nehemías 7:26

Belenankiri, Netofankiristi patak kimsaqallq tunk kimsaqallquni;

Jeremías 37:15

Uka jilïrinakasti Jeremiasar uñjasax walpun phiñasipxäna, Jeremiasar nuwjayasinsti, Jonatán, khititix reyin qillqiripäkän ukan utaparuw carcelt'ayapxäna, uka utsti carcelaruw tukuyapxarakitayna.

Jeremías 37:20

Jichhasti, jach'a rey, kuntix achikt'askäma uka mayisitaxar ist'ita: Juma reyix jan munamti wasitat nayar Jonatán qillqirin utapar irpatäñaxa, inampis ukan nayax jiwxirista —sasa.

Jeremías 38:26

Ukampis jumax jupanakarux akham sañamawa: “Nayax reyiruw achikt'asiskäyäta jan wasitat Jonatán jaqin utapar apayaskañapataki, ukan jan jiwañaxataki” —sasa.

Jeremías 40:11

Kawkïr judionakatix Moab, Amón, Edom sat uraqinakan jakapkäna ukanakasti, Babiloniankir reyin yaqhipa judionakarux pachpa uraqipar jaytaskatap yatipxarakïna, ukhamaraki Guedaliasaru uka marka apnaqirit utt'ayawayatapa.

Jeremías 40:13

Caréah jaqin Johanán sat yuqapampi, kawkïr soldadonakan jilïripatix pampa tuqin qhiparapkatayna ukanakasti, Mispá chiqan Guedaliasar uñjiriw sarapxäna,

Jeremías 40:14

ukatsti juparux sapxarakïnwa: —May yatiyañ munapxsma, Baalís sata Amón uraqin reyipax jiwayañ munasktam. Ukatakisti Netaniasan Ismael yuqaparuw khithani —sasa. Guedaliasasti janiw jupanakarux yäqkänti.

Jeremías 40:15

Ukhamasti Johanán jaqix Guedaliasar jamasat saraki: —Nay sarä Ismael chachar jiwayiri, ukatsti janiw khitis yatiñapäkiti khitin jupar jiwayatapsa. ¿Kunatsa jupan jumar jiwayañap ukhamak uñch'ukiñäni? Jiwayiristam ukaxa, kawkïr judionakatix juma jak'ar tantacht'asipki ukanakax ananukutaw uñjasipxaspa, ukatsti Judá markat jilt'irinakatakisti sinti jan walt'añapunïspawa —sasa.

Jeremías 40:6

Ukhamaw Jeremías profetax Mispá sata chiqar Guedalías jaqimpi jakir sarxäna, ukhamaraki kawkïr jaqinakatix uka uraqir qhiparapkatayna ukanakampi.

Jeremías 41:1

Paqallqu phaxsi saraqatarusti, Netaniasan yuqapa Elisamá sat jaqin allchhipa Ismael jaqix, khititix reyin wila masipäki ukax Mispá chiqan Guedaliasampi parliriw saräna. Tunka jaqinakampi chikt'ataw saräna. Ukatsti Mispá chiqan manq'kasinxa,

Jeremías 41:11

Caréah sat jaqin Johanán sat yuqapa, khitinakatix jupampïkän uka jilïrinakasa, Ismael jaqin mayninakar ukham jiwarayatap yatisinxa,

Jeremías 41:2

Ismael chachax uka tunkanimpi sartasin Guedaliasarux espadampiw jiwayapxäna, khitirutix Babiloniankir reyix Judá uraqi apnaqañapatak utt'ayawaykatayna ukaru.

Jeremías 42:1

Taqi jilïrinakasti, Caréah jaqin Johanán yuqapampi, Hosaías jaqin Azarías yuqapampi, taqi jaqinakampi, waynanaka, awki jaqinaka, taqi jupanakasti

Jeremías 42:8

Jeremiasasti Caréah jaqin Johanán sat yuqaparuw jawsäna, kawkïr jilïrinakatix jupampi chikäpkän ukanakaru, taqi jaqinakaru jisk'at jach'akama,

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 43:5

Jan ukasti, Johanán jaqimpi taqi jilïr militaranakampix, khitinakatix ananukutäkasin Judá markar kuttanxapxatayna taqi uka jaqinakaruw tantacht'apxäna:

Deuteronomio 3:14

(Manasesan Jaír sat yuqapaw Argob uraqinak katuntasxäna, Guesur, Maaca uraqinakamp qurpaski uka chiqakama. Jaír chachax Basán uraqirux Havot-jaír sasaw sutichäna pachpa sutipampi, uka sutimpiw jichhürunsa uñt'atäski.)

Josué 12:5

Jupan marka apnaqañapax Hermón qulluta, Salcá, Basán chiqat qalltasax Guesur, Maacá sat qurpakama, Galaad sata uka chika uraqkamänwa, ukasti Hesbón marka apnaqir Sihón reyinkänwa.