Jeremías 40:11 - Qullan Arunaka DC

¹¹ Kawkïr judionakatix Moab, Amón, Edom sat uraqinakan jakapkäna ukanakasti, Babiloniankir reyin yaqhipa judionakarux pachpa uraqipar jaytaskatap yatipxarakïna, ukhamaraki Guedaliasaru uka marka apnaqirit utt'ayawayatapa.

Aymar Bibliia 1986

¹¹ Cawquïri judionacatejj Moab, Amón, Edom sat orakenacana jacapcäna ucanacajj ist'apjjaraquïnwa Babilonianquiri reyejj, yakhepa judionacarojj pachpa orakeparu jaytascatapa, uqhamaraqui Gedaliasarusa marca apnakerita utt'ayawayatapsa uca kheparirinacaru apnakañapataqui.

Qullan Arunaca

¹¹ Cawquïri judionacatejj Moab, Amón, Edom sat orakenacana jacapcäna ucanacajj ist'apjjaraquïnwa Babilonianquiri reyejj, yakhepa judionacarojj pachpa orakeparu jaytascatapa, uqhamaraqui Gedaliasarusa marca apnakerita utt'ayawayatapsa uca kheparirinacaru apnakañapataqui.

Jeremías 40:11 Jak'a apnaqawi uñst'ayäwi

Génesis 36:8

Ukat Esaú chachax, kawkïritix Edom satäkaraki ukax, Seír qullu tuqinakar jakiriw sarxäna.

Isaías 11:14

Uka markanakan jakirinakax inti jalanta tuqinkir filisteonakaruw nuwantapxani, qhipäxat nuwantasaw liwinukupxani; inti jalsu tuqinkir markanakarux qamir yänakap aparapxani, Edom markankirinakasa, Moab markankirinakasa, jupanakaruw jaysapxani, Amón markankirinakarusa jupanakaw apnaqapxani.

Isaías 16:4

Moab markat jaltanirinakarux jumay katuqt'am. T'unjirinakatsa jumay imantt'asim.” Kunapachatix t'aqhisiñax tukusxani, t'unjatäñas jan utjkxarakini, marka t'unjiris sarxani ukapachaxa,

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 41:10

Ukhamarus Ismael jaqix reyin phuchhanakaparu, kawkïr jaqinakatix Mispá chiqan qhiparapkatayna taqi uka jaqinakaruw katuntayatayna, khitinakarutix Nebuzaradán jilïrix Guedalías chachan apnaqatäpxañapatak uskuwaykatayna taqi ukanakaru. Taqi uka katuntat jaqinakampisti, Ismael chachax amonitanakan uraqip tuqiruw saräna.

Jeremías 43:5

Jan ukasti, Johanán jaqimpi taqi jilïr militaranakampix, khitinakatix ananukutäkasin Judá markar kuttanxapxatayna taqi uka jaqinakaruw tantacht'apxäna:

Jeremías 43:6

chachanakaru, warminakaru, wawanakaru, reyin phuchhanakaparu, taqi jaqinakaru, khitinakarutix Nebuzaradán sat uñjirinakan jilïripax Guedaliasan apnaqatäpxañapatak utt'ayawaykatayna ukanakaru, Jeremiasampiru, Baruc sat chachamppacharu.

Jeremías 9:26

26 (25) Egipto, Judá, Edom, Amón, Moab, uka markanakaru, taqi wasara tuqin utjirinakaru, khitinakatix paranakapa khithurasipki ukanakarusa. Taqi uka markanakaxa, taqpach Israel markasa, janiw chuymanakapanxa Tatitur uñt'apkiti.”

Ezequiel 25:12

“Naya, Tatituw sarakta: Edom markax Judá markat phuqsusiwa, uka luratapampisti sinti jach'a juchaniw uñjasi.

Ezequiel 25:2

“Jumasti Ezequiel, jichhax amonitanakar saykatam, ukatsti nayan sutixampi jupanakar parlam.

Ezequiel 25:6

“ ‘Naya, Tatituw sistxa: Juma amonita jaqinakax amparanakam t'axllisipxtaxa, kusisiñatsa sink'usipxtawa, Israel markarusti jisk'achapxaraktawa.

Ezequiel 25:8

“Naya, Tatitusti saraktwa: Moabitanaka, jumanakax Judá markarux jisk'achapxtawa. Maya markanak kipkakiw sapxtawa.

Ezequiel 34:6

Jach'a qullunak tuqiruw aywitatawayxapxi, taqi akapach tuqinakaruw chhaqhanukuwayxapxi, ukatsti janiw khiti jupanakat llakiris utjkiti, janirakiw khitis jupanakar thaqhirix sarkiti.

Ezequiel 35:15

Jumasti, Israelan katuqat uraqipax t'unjatäkän ukkhax kusisïyätawa, jichhasti jumax ukham t'unjataw uñjasirakïta. Edom marka, Seir qullu, ch'usa wasarar tukuyataw uñjasïta. Ukapachaw yatipxani, nayan Tatitütaxa.’

Ezequiel 35:5

“ ‘Jumasti israelitanakan uñisiripapuniw tuktaxa, kunapachatix jupanakax jucha luratanakapat mutuyäwi katuqapkän ukkhasti, jumax nuwantaraktawa.

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Ezequiel 5:3

Uka ñik'utanakatsti, mä juk'a katusin isimar chinkatasirakim.

Números 22:1

Israelitanakax thakhinjam sarasipkakïnwa, ukatsti Moab pampanakaruw purintapxäna, Jordán jawirat inti jalsu tuqiru, Jericó marka uñkatasiru.

Números 25:1

Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

1 Samuel 11:1

Nahas sat Amón uraqin reyipasti, Galaad tuqin Jabés sat chiqaruw saräna, ukansti markar tukjañatakix mä ejército wakicht'äna. Ukampis Jabés chiqan utjir jaqinakax juparux sapxänwa: —Nanakampi mä amtäwir mantam, ukat jumarux jaysapxäma —sasa.

1 Samuel 12:12

Ukampisa kunapachatix amonitanakan Nahas reyipax jumanakar nuwantir jutkän ukkhaxa, jumanakax mä rey mayipxäyätaxa, jumanakan reyimax pachpa Tatitu Diosäkchïn ukasa.