Jeremías 40:1 - Qullan Arunaka DC

¹ Tatitux Jeremías chacharuw parläna, kunapachatix uñjirinakan jilïripa Nebuzaradán sat chachax Jeremiasar Ramá sat uraqin antutnukxäna ukapacha. Nebuzaradán sat jilïristi, Jerusalén jaqinak taypina, Judá jaqinak taypina khitinakatix Babiloniar katuntat apatäñatak wakichatäpkän ukanak taypin Jeremiasarux katuntata, cadenanakampi ñach'antat jikxatatayna.

Aymar Bibliia 1986

¹ Tatitusti Jeremías chacharuw parläna, cunapachatejj guardianacan comandantepa Nabuzaradán sat chachajj Jeremiasaru antutnucjjäna Ramá sat orakena ucapacha. Nabuzaradán sat comandantesti Jeremiasarojj preso uqhamaraqui cadenanacampi ñach'antatwa jicjjatatayna, Jerusalén jakenac taypinjja, uqhamaraqui Judá jakenac taypinsa qhitinacatejj Babiloniaru preso apatäñataqui waquichatäpcän ucanac taypina.

Qullan Arunaca

¹ Tatitusti Jeremías chacharuw parläna, cunapachatejj guardianacan comandantepa Nabuzaradán sat chachajj Jeremiasaru antutnucjjäna Ramá sat orakena ucapacha. Nabuzaradán sat comandantesti Jeremiasarojj preso uqhamaraqui cadenanacampi ñach'antatwa jicjjatatayna, Jerusalén jakenac taypinjja, uqhamaraqui Judá jakenac taypinsa qhitinacatejj Babiloniaru preso apatäñataqui waquichatäpcän ucanac taypina.

Jeremías 40:1 Jak'a apnaqawi uñst'ayäwi

2 Crónicas 16:1

Asá reyix kimsa tunka suxtan mara marka apnaqkän ukkhasti, Israelan Baasá reyipaw Judá markar nuwantir saräna, nayraqatsti Ramá marka katuntäna, ukatsti ukspachaw uka markxa sayt'asiñatak wakichayäna, ukhamat Judá markan Asá reyipampi jan khitis parlañapataki.

Salmos 107:16

¡Jupaw broncet lurat punkunak t'unjäna! ¡Jupaw hierrot lurat jist'añanak p'akiräna!

Salmos 68:6

6 (7) Diosax aynacht'at jaqinakatak uta wakicharapi, katuntat jaqinakar antutayasin askinak churi; qallasir jaqinakasti jan achur uraqin qhiparapxi.

Jeremías 31:15

Tatitux siwa: “Ramá chiqan mä aruw ist'asi, maynin chuyma jan utt'ayasis jachatapa. Raquel warmiw wawanakapat jachaski, wawanakapan jiwaratapatxa, janiw chuymachatäñ munkiti.”

Jeremías 39:9

Qhiparusti, Nebuzaradán sata uñjirinakapan jach'a jilïripasti, khitinakatix markar qhiparapkatayna ukanakarux katuntat apxäna, uka kipkarak kawkïrinakatix babilonionakar jaqkattxapxatayna ukanakarusa.

Jeremías 42:7

Tunka uru qhipatsti Tatitux Jeremiasaruw parläna,

Ezequiel 33:21

Niya tunka payan maraw saraqxatayna Babilonia markar katuntat purinipkta ukkhatxa, ukat tunka phaxsina, phisqa uru saraqatarusti, mä jaqiw Jerusalén markat jaltanxatayna, jupasti Jerusalén markan uñisirin amparaparu jalt'atap yatiyitu.

Hechos 21:13

Ukampis Pablox sänwa: —¿Kunatsa jachapxta? Ukham jachasax nayar llakisiyapxistawa. Nayax ñach'antayasiñatakisa, Jerusalén markan Tatit Jesús layku jiwañatakis wakicht'atakïsktwa —sasa.

Hechos 28:20

Ukat jichhax jumanakar jawsayapxsma, jumanakamp jikisisin parlt'asiñataki. Jiwas israelitanakan suyt'äwiw utjkistu, uka suyt'äwi laykuw aka cadenanakamp ñach'antat uñjasta —sasa.

Efesios 6:20

Diosaw nayarux aka yatiyäwi uñt'ayañatak khithitu, ukatarak jichhas katuntat uñjasta. Diosat mayipxam, nayan jupat jan axsaras parlañaxataki.

Josué 18:25

Ukhamarusa yaqha markanakaw utjarakïna: Gabaón, Ramá, Beerot,

1 Samuel 7:17

Ukatsti Ramá chiqankki uka utaparuw kutt'anxirïna, ukawjatpach Israel markarux apnaqäna. Ukansti Tatitutakix mä altar lurarakïna.