Jeremías 4:9 - Qullan Arunaka DC

⁹ Tatitux siwa: “Uka urux purinkani ukkhasti, reyisa, jach'a jilïrinakas axsarañat wal khathatipxani, sacerdotenakasti wal mulljasipxani, profetanakas wali sustjataw uñjasipxarakini.”

Aymar Bibliia 1986

⁹ Tatitojj siwa: “Cunapachatejj uca urojj purincani ucapachasti, reyisa, jach'a jilïrinacasa ajjsarañat qhathatipjjani, sacerdotenacasti wali ajjsarapjjaraquini, profetanacasti wali sustjataw uñjasipjjaraquini.”

Qullan Arunaca

⁹ Tatitojj siwa: “Cunapachatejj uca urojj purincani ucapachasti, reyisa, jach'a jilïrinacasa ajjsarañat qhathatipjjani, sacerdotenacasti wali ajjsarapjjaraquini, profetanacasti wali sustjataw uñjasipjjaraquini.”

Jeremías 4:9 Jak'a apnaqawi uñst'ayäwi

2 Reyes 25:4

Ukat Sedequías reyix soldadonakapampi markar muyuntki uka pirqa p'iysupxäna. Jupanakasti uka chiqaw arumpacha jaltxapxäna, pä pirqa taypin utjkäna uka mantañ chiqanjama, reyin panqar uyup jak'a sarakipasa, ukatsti Jordán qhirwar sarir thakhinjam jalapxäna. Ukchañkamasti, Babiloniankir soldadonakax markar muyuntatäsipkänwa.

Salmos 102:4

4 (5) chuymaxax aynacht'atawa, qurar uñtataw wañsuski; ¡janiw manq'as munaskituti!

Isaías 19:16

Uka urunxa, kunapachatix taqi ch'aman Tatitux Egipcio jaqinakar mutuyañatak wakicht'askani ukkhaxa, jupanakax wal axsarayasipxani.

Isaías 19:3

Amuyunakap mayjt'ayä, amtatanakapsti t'unjarakïwa. Ukapachaw jiskt'asipxani: yaqha diosanakaru, layqanakaru, jiwatanakan ajayunakaparu, yatiri jaqinakaru.

Isaías 28:19

Sapa kuti jutkan ukkhasti q'al tukjapxarakïtam. Sapa qhantati, sapüru, sapa jayp'urakiw jutani, jutañap yatisakiw jumanakax khathatxapxäta.

Jeremías 2:26

“Kunjämatix lunthatax katjayasisin wal p'inqasixa, ukhamarakiw Israel markax p'inqasini, reyinakasa, jilïrinakasa, sacerdotenakasa, profetanakasa.

Jeremías 25:34

¡Awatirinaka, wararipxam, usuyasiñat wararipxam! ¡Jumanaka, tamar irpirinaka, uraqin qurumnaqapxam! Jumanakar khariraña pachax purinxiwa, jumanakarusti lik'i ovejanakarjamaw kharirapxätam.

Jeremías 37:19

¿Kawkinkarak uka profetanakasti, khitinakatix parlapkäna Babiloniankir reyix janiw jumanakarusa, aka markarusa nuwantir jutkaniti sapkäna ukanakasti?

Jeremías 48:41

Markanakapax katuntatäniwa, sayt'asiñ chiqanakapasa uñisiripan amparaparuw purini. Uka urusti Moab markan nuwasirinakapax wawachasir warmjamaw khathatipxani.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 52:7

Ukat Sedequías reyix soldadonakapampi markan pirqap p'iyjapxäna, babilonionakax jupanakar muyuntatäkchïna ukasa, reyimpi, soldadonakampix arumawa uka p'iyanjam mistuwayxapxäna. Pä pirqa taypinkkis uka punkunjam sarakipawayapxäna, reyin panqar uyunakapäkis uka thakhinjama, ukatsti Jordán qhirwa tuqir sarki uka thakhinjam sarxapxarakïna.

Hechos 13:41

‘Uñtapxam, jisk'achirinaka, muspharapxam, chhaqtapxarakim; jan amuyt'añ luräwinak urunakaman lurä, jumanakasti janiw ukanakax: “Chiqaw” sapkätati, jumanakar ukanak yatiykipansa.’ ”