Jeremías 4:31 - Qullan Arunaka DC

³¹ Usuchjatanakan wararitap ist'ta, tayna wawap wawachasiri warmin wararitapjama; ukasti Jerusalenankirinakan wararitapawa, janiw samsurjamäpkisa, wali jach'at art'asaw yanap mayipxi. Amparanakap luqatatataw sapxi: ‘¡Ay kunakïkan nayatxa! ¡Jaqi jiwayirinakaw jiwayapxitani!’ ” sasa.

Aymar Bibliia 1986

³¹ Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Qullan Arunaca

³¹ Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Jeremías 4:31 Jak'a apnaqawi uñst'ayäwi

Génesis 27:46

Rebecasti Isaacar sarakïnwa: —Aka hitita warminakampi jakañata qaritäxtwa, kawkïrinakampitix Esaú yuqasax jaqichaski ukanakampi. Janiw jakañsa munkxtti. Jacobutix aka Canaán uraqin utjir warminak taypit mayni hitita warmimpi jaqichasispa ukasti, ¡jiwxañaxakiw walïxaspa! —sasa.

Job 10:1

¡Jakañax nayatak ch'amäxiwa! Jachkäwiw tukusxä, t'aqhisitanakaxat taqi ch'amampiw arsusirakï.

Salmos 120:5

¡Nayax kunakïktxa, Mésec chiqan jaya jaqjam apanukutätwa, Quedar chiqan chhujllan jakarakta!

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Isaías 13:8

wali mulljataw qhiparapxani. Mä jach'a t'aqhisiñampi, llakisiñampiw jupanakxarux jutani, wawachasir warmjamaw ayquñamp q'iwisipxani. Jupanakkamaw mulljat uñkatasipxani, p'inqasiñatsa ajanunakapax ninjamaw nakhani.

Isaías 21:3

Janchixas chhijthaptituwa, wawachasir warmin janchipjamaw usurakitu, chuyma kawkst'añasti janiw ist'aykituti, axsarañas janirakiw kunsa uñjaykituti.

Isaías 26:17

Tatay, juman mutuyäwimax walpin t'aqhisiyapxitu; nanakan ayquñanakaxax wali jach'apunïnwa.

Isaías 42:14

Tatitusti siwa: “Walja urunakaw amukïskta, janiw kunsa arskaraktti; ukampis jichhax jach'at wararï, wawachisir warmjamaw jakhusï.

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Jeremías 10:19

Jeremías profetasti sarakïnwa: ¡Ay, nayata, akataqi ust'ataw uñjasta! ¡T'aqhisiñaxas jan tukuskiriwa! Markaxan ñanqha luratapatxa, naya pachpaw janchixan t'aqhista.

Jeremías 13:21

“¿Kamsätas Jerusalén, kunapachatix juma pachpan yatichat jaqinakampi apnaqatäkäta ukapachaxa? Wawachasir warmin usunakapjamaw jutarakïtam.

Jeremías 14:18

Pamparuw mistta, ukansti nuwasïwin jiwaririnakan janchipak uñjta, markaruw mantanta, ukansti manq'atjam jiwaraskir jaqinakarukiw uñjarakta. Profetanakasa sacerdotenakasa, jan uñt'at jaya markanakaruw sarxapxaraki.’ ”

Jeremías 15:18

¿Kunatsa t'aqhisiñaxax jan tukusi? ¿Kunatsa chhuxrinakaxas jan waliptirjamäki, taqi qullanakampis jan qullkayäki? Nayatakix mä chhaqtir umar uñtataw tuktaxa.

Jeremías 18:21

¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 22:23

Jichhax jumax utaman k'uchikïsktawa; Líbano tuqit apanit cedronak taypina; ¡ukampis niyaw t'aqhisiñ qalltäta, ayquñanakax purinkätam ukapacha, ukanakasti wawachasir warmin ayquñapjamäniwa!”

Jeremías 30:6

Jiskt'apxam, ¿mä chachax wawachasispati? ¿Kunatarak chachanakarusti wawachasiñatak q'iwisipkaspa ukham uñjtsti? ¿Kunatarak taqinis q'illu tukupxisti?

Jeremías 45:2

“Baruc, jumax sistawa: ‘¡Ay kunakïkani nayatakixa! ¡Tatitusti t'aqhisiñanakampi, llakisiñanakampik nayarux churitu! Jachkäwis qaritäxaraktwa, janirakiw nayatakix samart'añax utjkiti’ sasa.

Jeremías 48:41

Markanakapax katuntatäniwa, sayt'asiñ chiqanakapasa uñisiripan amparaparuw purini. Uka urusti Moab markan nuwasirinakapax wawachasir warmjamaw khathatipxani.

Jeremías 49:22

Bosrá markarusti uñisiripax kunjämatix mä pakax chhiqha janatatas mä jisk'a animalar thuqxatkix ukhamaw thuqxatani, uka urusti Edom markankir nuwasir jaqinakasti, wawachasiñatak q'iwisir warminakjamaw khathatipxani.”

Jeremías 49:24

Damasco markasti jan ch'amaniw jikxatasi, jaltxañatakikiw wakicht'asxi. Axsarañampi, llakisiñampi, usuyasiñampi katuntatawa, wawachasir warmirjama.

Jeremías 50:43

Ukanak ist'asasti, Babiloniankir reyix, axsarañatsa pachpar jan unxtkiriw tuku, wali llakt'ata t'aqhisitaw jikxatasi, wawachasir warmjamaw t'aqhisi.

Jeremías 6:2

Sión uraqix mä suma ch'uxña uraqjamawa, jank'akiw q'ala tukjat uñjasini,

Lamentaciones 1:17

Jerusalenasti yanap mayisaw amparap luqtani, ukampis janiw khitis jupar chuymachirix utjkiti. Tatituw Jacoburux uñisirinakapamp muyuntayi; Jerusalenasti uñisirinakapatakix jisk'achkañ markakïxiwa.

Lamentaciones 1:20

¡Tatay, nayan t'aqhisitax uñtanimaya! ¡Chuymaxas phallañ munitu! Juchaxat amthapista ukapachaxa, llakisiñaw chuymaxar llupt'añ munitu. Khä anqanxa wawanakaxarux espadampiw jiwarayapxi, aka manqhansa jiwañakiw utjaraki.

Lamentaciones 2:21

Waynanakampi, chuymani jaqinakampix marka thakhinakan jiwarataw liwirtasipki; markaxankir waynanakasa, tawaqunakasa, espadampi jiwarayataw uñjasipxi; phiñasiñam urunsti jiwarayañkamaw chhuxriñchjtaxa, ¡jan khuyapt'ayasisaw jiwarayaraktaxa!

Oseas 13:13

Israelan yuriñap pachax purinxiwa, ukampis janiw suma wawäkiti, yuriñatakis janirakiw sum wakicht'atäkiti.

Miqueas 4:10

Sión marka, q'iwinaqtam, wararirakim, kunjämtix mä warmix wawachasiñatak wararki ukhama, jaqinakamax jumatxa mistuwayxapxaniwa, ukatsti ch'usa pampanakan jakapxarakini, Babilonia markakamarakiw puripxani. Ukan Tatitux markaparux qhispiyani, uñisirinakapatsa qhispiyarakini.

Miqueas 4:9

Jichhasti, ¿kunatarak wawachasiñatak usuyasiskir warmjam warartasti? ¿Janit reyimax juman utjkxi? ¿Jan ukax amuyt'ayirinakamach jiwarxi ukatti jachta?

Miqueas 7:1

¡Ay kunakïkan nayatakixa! Achunak apthapitat jilt'anak thaqhasir jaqjamätwa, uva, higo achunak manq'añ munasa, janiw kunsa jikxatkti, q'al apthapiwayxapxatayna.

Mateo 21:5

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

1 Corintios 9:16

Nayatakix Diosan suma yatiyäwi arup qhanañchañax janiw kuna jach'achasiñäkisa, uka qhanañchañan wakisipunitap amuyta. ¡Kunakïkan nayatakixa, Diosan arunakap jan qhanañchkirista ukaxa!

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.