Jeremías 4:28 - Qullan Arunaka DC

²⁸ Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Aymar Bibliia 1986

²⁸ Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Qullan Arunaca

²⁸ Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Jeremías 4:28 Jak'a apnaqawi uñst'ayäwi

Isaías 24:4

Uraqix q'alaw wañsuwayxi, taqi akapachaw ankuntatjam tukuwayxi, alaxpachas, akapachas wali llakitawa.

Isaías 34:4

Alaxpachankir warawaranakax t'unthaptaniwa, alaxpachasti mä papeläkaspas ukhamaw llawthaptani, taqi warawaranakas janiw qhankxaniti, kunjämtix uva alina, higo alin laphinakapax wañsusin willirtki ukhama.

Isaías 5:30

Kunapachatix chimpt'at urux purinkan uka uruxa, uka markax jach'a qutar uñtataw Israel markatakix qhuthutini, aka uraqisti q'ala ch'amakt'ayatäniwa, ch'iyara ch'amak qinayanakamp chhaqtayatäniwa.

Isaías 50:3

Nayaw alaxpacharus ch'amakt'ayta, llakisiñ isimpjamaw isthapiyta.”

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 14:2

“Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 23:20

Tatitun amtäwinakap phuqhasiñapkamasti phiñasiñapax janiw tukuskaniti. Mä uruw jumanakax taqi akanakat amuythapisipxäta, akanakat yatipxarakïta.

Jeremías 30:24

Tatitun phiñasiñapax janiw tukuskaniti, jupan taqi amtäwinakap phuqhañapkama. Mä uruw jumanakax taqi akanak amuyt'apxäta.

Jeremías 51:12

¡Nuwantañatak yatiyapxam! ¡Babilonia markan pirqanakap liwinukupxam! ¡Uñjirinaksti yapxatapxam! ¡Imantasisin babilonionakar suyxatapxam! ¡Sipitar jalt'ayapxarakim! Nayätwa Israelan Diosapaxa, Babilonia markar lurañ amtataxsti phuqhapunïwa.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Lamentaciones 2:17

Tatitux amtäwinakap phuqhapuniwa, arsutap phuqharakiwa. Kuntix nayratpach t'unjañ amtkäna ukxa, jichhax jan khuyapt'ayasisaw t'unji, uñisirinakamampis larusiytamwa, uñisiriman ch'amapsa jach'aruw aptaraki.

Ezequiel 24:14

Naya, Tatituw uk arsta, ukasti ukhamapunïniwa. Naya kipkaw ukanak lurä, ukanaksti phuqhapunïwa; janipuniw khuyapt'ayaskäti, janirakiw chuymaxansa amtkäti. Taqi sarnaqäwimata, luräwinakamat mutuyapunïmawa. Naya, Tatituw uk arsta.’ ”

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Oseas 4:3

Ukat aka markax jacht'asis sarnaqaski; aka markan jakirinakasti jan ch'amanikïxapxiwa; pampankir animalanakasa, jamach'inakasa, jach'a qutankir chawllanakas jiwarxapxarakiwa.

Joel 1:10

Yapunakax llakkañ tukjatawa, uraqix lutt'atäkaspas ukhamawa. Trigos pist'awayxiwa, uva yapunakas q'al pharsuwayxi, olivo quqanakasti q'ala wañsutawa.

Zacarías 8:14

Taqi ch'amani Tatitux siwa: “Nayax jumanakan nayra awkinakamarux mutuyañ amtäyäta, nayar q'apisiyapkitän ukkhaxa, uka amtäwixasti amtatapunïnwa.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Mateo 27:45

Ukapachasti chikürut chika jayp'ukamaw taqpach uraqix ch'amakt'äna.

Marcos 15:33

Chika ururusti akapachax niya chika jayp'ukamaw ch'amakt'äna.

Lucas 23:44

Niya chika uruta qalltasina chika jayp'ukamaw taqpach uraqix ch'amakt'awayäna.

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Efesios 1:9

ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.

Hebreos 7:21

ukampis Tatitux mä juramentompi utt'ayatänwa, Qillqatansti akham siwa: “Tatitux mä juramento luri, janiw mayjt'aykaniti: ‘Jumaw wiñayatak sacerdotëtaxa,’ ” sasa.

Apocalipsis 6:12

Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

1 Samuel 15:29

Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.