Jeremías 4:27 - Qullan Arunaka DC

²⁷ Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Aymar Bibliia 1986

²⁷ Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Qullan Arunaca

²⁷ Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 4:27 Jak'a apnaqawi uñst'ayäwi

2 Crónicas 36:21

ukhamat kuntix Diosax Jeremías profetap tuqi siskäna ukan phuqhasiñapataki. Judá uraqix samarañ urunakan kusisiñap amtasïna, aynacht'at sarnaqañ taqpach urunakapana, paqallq tunka mara phuqhasiñapkama.

Nehemías 9:31

Ukampis jach'a khuyapayasiñam laykusti janiw jupanakarux taqi tukjktati, janirakiw jaytanukktasa; juman munasiri, khuyapayasir Diosätam layku.

Isaías 17:6

jan ukax kunjämtix olivo quqax thalsutaxa, mä qawqha achunakapak pachpa quqan jilt'kixa, ukhamäpxaniwa. Ukham siw Israelan Tatitu Diosapaxa.

Isaías 24:1

Uñtapxam, Tatitux aka uraq tukjaniwa, q'al allthapini, mayjt'ayaniwa, jaqinakarusti uksar aksaruw ananukuni.

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 25:11

Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 4:20

Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 46:28

Naya, Tatituw uk arsta. Jacobun markapa, nayan uywataxa, jan axsaramti, nayaw jumampïskta. Kawkhanakarutix ananuksma uka markanaksti nayaw q'ala t'unjarakï. Ukampis jumarux janiw t'unjkämati; luratamarjamaw chiqachäma, ukatsti mutuyapunirakïmawa.”

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 5:18

Tatitusti saskakiwa: “Ukampis uka urunakan janiw taqpach t'unjkäti.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Lamentaciones 2:7

Tatitux altarap apanukuwa, qullan utapsa jisk'achjarakiwa; markar jark'ir jach'a pirqanaksa uñisirinakan amparaparuw katxaruyi. ¡Tatitun utapansti mä phunchhäwi urükaspas ukhamaw jaqinakan arnaqasitapax ist'asi!

Ezequiel 11:13

Tatitun sutipxar nayan ukham parlañkamasti, Benaniasan yuqapa Pelatías jaqix jiwataw liwnuqti. Nayasti p'iqix uraqir puriyañkamaw alt'asta, wali jach'at art'asirakta akham sasa: “¡Tatay! ¿Israel markat mä juk'a jilt'irinakarux jiwarayakipunïtati?” sasa.

Ezequiel 20:17

Ukampis jupanakax wasaran llakkañaw sarnaqapxarakïna, ukat jupanakarux jan tukjkaraktti.

Ezequiel 33:28

Aka uraqirusti ch'usa wasara, q'ala tukjat tukuyä, ch'amapampi, wali jach'a jach'a tukutapampsti tukjarakïwa. Israel markan qullunakapasti ch'usa wasararuw tukuni, janirakiw khitis uka chiqa sarakipkxaniti.

Ezequiel 6:14

Mutuyäwixax jupanakatak sinti jach'apunïniwa. Uraqinakapsti alayat aynachkama, Riblá chiqat qalltasina, wasarkama, ch'usa laqaya wasararuw tukuyarakï. Ukapachaw yatipxani, nayan Tatitütaxa” sasa.

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Levítico 26:44

“Ukhamäkipansa, jumanakax uñisiriman markapan jakapkäta ukasa, janiw nayax jumanakarux apanukupkämati, jisk'achapkämasa; t'unjapkarakïmasa, janirakiw kuna amtäwirutix nayra awkinakamamp lurkäyät ukanakatsa armt'askäti, nayan jumanakan Tatit Diosamätax layku.

Sofonías 1:18

Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!