Jeremías 4:22 - Qullan Arunaka DC

²² Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Aymar Bibliia 1986

²² “Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Qullan Arunaca

²² “Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 4:22 Jak'a apnaqawi uñst'ayäwi

Génesis 39:16

Ukatsti jupax Josean isipxa chachapan utar puriniñapkam imantäna.

2 Samuel 13:3

Amnón jaqix mä uñt'at masinïnwa, uka jaqisti sinti sallqa jaqïnwa, Jonadab sata, Simá jaqin yuqapänwa, uka Simá chachasti Davidan jilaparakïnwa.

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Salmos 36:4

4 (5) Ikiñapan ikintatax jan wali lurañanak amti; ñanqha lurañ thakhir chinkatatjamawa, ñanqha lurañsa janiw apanukuñ munkiti.

Salmos 53:4

4 (5) Ñanqha luririnakax jan amuyunïpxiwa, markaxar t'ant'jam manq'antirinakax jan amuyt'anïpxiwa, Diosar jan art'asirinakax jan amuyt'asirïpxiwa.

Salmos 82:5

“Jumanakasti janiw yatipktati, janirakiw amuyt'apktasa, ch'amakan sarnaqapxtaxa. Ukat aka uraqin utt'äwipas khathatixa.

Proverbios 28:5

Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Jeremías 13:23

Mä ch'iyar jaqix janiw janq'u jaqir tukkaspati, janirakiw leopardos allqap mayjt'aykaspati; ukhamarakipï jumanakasa, ñanqha lurañar yatintatäxasinxa, janirakiw askinak lurapkasmati.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Jeremías 5:4

Nayasti amuyayätwa: T'aqhin jakasir jaqinakakiw pisi chuyman jaqjam sarnaqapxi, jupanakax janiw amuyt'apkiti kuntix Tatitux munki ukxa, janirakiw kuntix Diosapax arski uksa amuyt'apkiti.

Jeremías 9:2

2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Jeremías 9:3

3 (2) K'arisiñatakix jank'akïpxiwa, mich'inaksa antutt'apkaspa ukhama. Aka markansti k'arisiñakiw phuqt'atäski, janiw chiqapax utjkiti; jan walit juk'ampi jan walirukiw sarapxi, ukatsti pachpa Tatituw arsuraki: “Janiw nayar uñt'añ munapkituti” sasa.

Jeremías 9:5

5 (4) Sapa mayniw maynitsa larusi, janiw khitis chiqap arsurix utjkiti. Taqinis k'arisiñar yatintatkamakiwa; ñanqhakamakïpxiwa,

Ezequiel 16:30

Naya, Tatituw uk arsta. ¡Chuymamasti uka ñanqha luräwinak lurañatakix usutäkaspas ukhamänwa, jan p'inqani, jan wali sarnaqir warminakjama!

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 4:6

Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Oseas 5:4

Yaqha diosanakaruw yupaychapxtaxa, janiw nayarux jumanakan Diosamat katuqapkistati, janirakiw jucha luratanakamatsa kutikipstanipktati.

Amós 3:10

Tatitux akham siwa: “Janiw jupanakax chiqa lurañ yatipkiti, reyi utanakapan ch'amamp lunthatat yänak imapxi.”

Miqueas 2:1

¡Kunakïkani khitinakatix ikiñanakapansa jan walinakak amtapki ukanakatakixa, urutatanxipansti jupanakan munañanïpxatapatxa, uka jan wali amtatanakapxa phuqhapxapuniwa!

Miqueas 7:3

Ñanqhanak lurañatakisti kust'atapunïpxiwa; marka apnaqirinakan yanapirinakapasti qullqik munasipki, taripirinakasti qullqxa chilltayasipxakiwa, munañaninakasti kuntix munapki ukarak lurapxi, markarux jan walirupuniw irpapxaraki.

Lucas 16:8

Qamir jaqisti yänak jan wali apnaqirirux jach'aruw aptäna jupan amuyt'a kankañampi, ch'ikhi kankañamp luratap layku. Akapachankir jaqinakax lurañanakapanxa juk'amp ch'ikhi chuymanïpxiwa, qhanankirinakat sipansa.

Juan 16:3

Awkirus, nayarus jan uñt'apxatap laykuw taqi ukanak lurapxani.

Romanos 1:22

Jupanakax yatiñanïpxtwa sapxänwa, ukampis jan yatiñanjamaw tukupxi;

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 16:19

Jumanakan jaysasirïtanakam taqiniw yatipxi. Nayasti ukham yatisax wal kusista, ukatsti sum lurañatakix yatiñ kankañ uñacht'ayapxañam munta, janiw jan wal lurañatakixa;

Romanos 3:11

Janiw khiti amuyt'asiris utjkiti; janirakiw Diosar thaqhirix khitis utjkiti.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

Deuteronomio 32:28

“Israel markax janiw amuyunïkxiti, ¡janirakiw amuyt'añ kankañapas utjkxiti!

Deuteronomio 32:6

¿Akhamti Diosar yuspagarapxta? Pisi chuyma, jan yatiñan jaqinaka, ¿janit jupasti awkimäki, janit juman irnuqirimäkisti? ¡Jupaw irnuqtam, jupaw jakañsa churaraktam!