Jeremías 4:20 - Qullan Arunaka DC

²⁰ Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.

Aymar Bibliia 1986

²⁰ Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Qullan Arunaca

²⁰ Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 4:20 Jak'a apnaqawi uñst'ayäwi

Salmos 42:7

7 (8) Uka manqhanakatpach ist'asi, uma waraqtaman qhuthutinakapaxa; juman apayanit lluxlla uma waraqtanakax, naya patanjam llumikipi.

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Éxodo 33:5

Tatitusti Moisesaruw satayna: —Israelitanakar akham yatiyam: “Jumanakax sinti jan ist'asir jaqinakäpxtawa. ¡Nayatix mä juk'a pachakis jumanak taypinkiristxa, mäkiw tukjapxirisma! Ukhamasti suma quri yänakam apaqasipxam, ukat nayax jumanakamp kun lurañsa yatï” —sasa.

Isaías 13:6

Babiloniankirinaka, wararipxam, Tatitun taripañ urupax jak'ankiwa, taqi ch'aman Tatitux mä t'aqhisiyañampiw purini.

Isaías 15:5

Isaías profetax siwa: Moab markar ukham uñjasax chuymaxax walpin usutu; moabitanakasti axsarañampi phuqhantatäpxiwa, Zoar, Eglat-selisiya uka markanakaruw jaltxapxi, Luhit siski uka qhathanjam jacht'asis makhatapxi, Horonaim uka thakhinjam t'unjat uñjasitapat jacht'asis sarxapxi.

Isaías 33:20

Nayan qullan utax uñtapxam, Jerusalenarus uñtapxarakim: ¡ukan suma phunchhäwinak lurapxañäni! Ukäwjax mä samart'añ chiqäniwa, mä suma sayt'ayat carpar uñtata, ch'akurunakapas suma ch'akuntata, phalanakapas jan t'aqartkayaraki.

Isaías 47:9

Inas akatjamat jumxarux uka jan walt'añanakax jutchini, inamayäskaniw layqasitanakamasa, ijma warmi, jan wawanakaniw uñjasïta.

Isaías 54:2

Chhujllamsti juk'ampi jach'ar jithitatayam, kawkhantix jumax jakaskta uk jan axsaras jithitatayam, chinuñ phalanakapsti juk'amp jach'anak wakicham, ch'akurunaksti sum ch'akuntarakim,

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 4:6

Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 9:18

18 (17) ¡Jïsa, jank'ak jutapxpan, ukatsti jiwasat jachapxpan; nayranakasasti jachampi phuqhantatäpan, ajanunakasansti jachax warasirakpan!

Lamentaciones 3:47

axsarañanakampi, sipitanakampi, t'unjatäñanakamp katuqapxta.

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Levítico 26:18

“Taqi akanak katuqasas janipun nayar jaysapkitäta ukapachasti, nayax jumanakarux paqallqu kutimpiw juchanakamat t'aqhisiyapxäma.

Levítico 26:21

“Jumanakatix nayar janipun ist'apkitäta ukasti, nayax jumanakarux paqallqu kutimp jucha luratanakamat mutuyapxäma.

Levítico 26:24

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Levítico 26:28

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Habacuc 3:7

Nayax Cusán uraqinkir jaqinakarux t'aqhisiñar puripxatap uñjta, Madián uraqinkir jaqinakarusti axsarañat khathatipxatap uñjarakta.

Números 16:21

—¡Aka jaqinakat jithiqtapxam, nayaw taqpachanir tukjä! —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

2 Tesalonicenses 1:9

Jupanakasti wiñay t'unjañampi mutuyatäpxaniwa, ukatsti Tatitun nayraqatapatsa, jach'a kankañapatsa, ch'amapatsa jayar jaqunukutäpxaniwa,