Jeremías 4:11 - Qullan Arunaka DC

¹¹ Mutuyañ pachax purinkani ukkhasti, Jerusalén markarux satarakïniwa: “Wasar tuqit mä junt'u thayaw thayt'ani, ukasti markax tuqiruw thayt'ani. Uka thayax janiw trigo khuyuñatak suja thayäkiti;

Aymar Bibliia 1986

¹¹ Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Qullan Arunaca

¹¹ Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Jeremías 4:11 Jak'a apnaqawi uñst'ayäwi

Salmos 11:6

Tatitux ñanqha lurir jaqinakxarux nina sank'ampi, azufrempi jalluyanini, mä junt'u thayaw jupanakarux q'al tukjani. ¡Tatitux lurataparjamaw mutuyani!

Isaías 22:4

Ukat sistxa: Nayat jithiqtapxam, chuymas kawkst'ataw jachañ munta; markaxan aynacht'atapatsti jan chuymachapxistati.

Isaías 27:8

Tatitux jaya markar apayasaw markapar mutuyi, mä jach'a thayjam phust'asaw apanuku, kunjämtix inti jalsu thayax phust'anki ukhama.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 64:6

6 (5) Taqi nanakasti mä q'añu lurir jaqir uñtatäpxtwa, taqi aski luräwinakaxasti q'añu isinakar uñtatarakiwa. Taqiniw ankuntat laphinakar uñtat willirtapxta, nanakan jucha luratanakaxasti thayar uñtataw apapxarakitu.

Jeremías 13:24

Ukatpï jumanakarux ananukupxämaxa, kunjämtix wasar thayax wichhurux q'al willitatki ukhama.

Jeremías 14:17

Jupanakarusti sarakim: ‘Nayranakaxatxa, jachanakax uruy aruma jan t'akt'as warasitpan, markaxan aynacht'atap layku, jach'a chhuxrip layku.

Jeremías 23:19

Tatitun phiñasiñapax mä jach'a jawir umar uñtatawa, jach'a tutuka thayar uñtatawa, ñanqha jaqinakaruw mutuyarakini.

Jeremías 4:12

nayax thayt'ayankä ukasti wali jach'a thayäniwa, jichhpachaw jupanakatakix juchañchäwi arsurakï.”

Jeremías 8:19

Markaxan ayqutanakapasti taqi chiqan ist'asi: “¿Janit Tatitux Jerusalén markankxpacha? ¿Janit reyipas ukankxpacha?” sasa. Tatitusti sarakiwa: “¿Kunatsa nayarux ñanqha lurapxista, yaqha diosanakar yupaychasaxa?”

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Jeremías 9:7

7 (6) Ukatpï naya, taqi ch'aman Tatitux sistxa: ¿Kunsa jichhax markaxampix luriristxa? Jan ukasti q'umachatäñapatak ninar uskuñakiw wakisxi.

Lamentaciones 2:11

Jachkäwisa nayrax usxituwa, chuymas llakisiñat phallañjamak munxitu; jan ch'amaniw uñjasta jaqinakaxan markap t'unjat uñjasa, ñuñuskir wawanakar manq'atjama jiwaraskir uñjasa.

Lamentaciones 3:48

Nayranakaxatsti jachax jawir umjamaw jalaritu, nayan munat markaxa t'unjat uñjasaxa.

Lamentaciones 4:10

¡Jerusalén markax q'ala t'unjataw uñjasi! Suma munasir taykanakas pachpa wawanakaparuw phayantasxapxi, ukhamat manq'atäpxañapataki!

Lamentaciones 4:3

Qamaqinakas qallunakaparux ñuñt'ayasipxapuniwa, ukampis israelita qhuru taykanakasti, wawanakaparux apanukupxiwa.

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Ezequiel 17:10

Wasitat ayruntapkani ukasa, janiw ch'uxñatatkaniti; inti jalsu tuqit thayt'anir thayaw wañsuyani; kawkhantix ayruntatäkäna uka pachpan wañsxarakini.’ ”

Ezequiel 19:12

Ukampis wali phiñasiñampiw alir jik'inukupxi, uraqiruw liwinukupxi. Inti jalsu thayaw uk wañsuyawayi, uva achunakapas willirtxiwa; uka thuru layminakapas wañsxiwa, ninar phichhantatarakiwa.

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.

Oseas 13:3

Ukat jichhax qhantati urpur uñtata, willjta sullar uñtat chhaqtapxani, thayan apat waña laphir uñtata, phayañ utat mistur jiwq'ir uñtat chhaqtapxani.

Oseas 4:19

Yaqha diosanakar yupaychapxatapatsti, p'inqachjatäpxaniwa, jan mayan tukjatäpxaniwa.

Habacuc 1:11

Mä jach'a tutuk thayjamaw q'al tukjawayapxi, jupanakan ch'amapaw diosapjamaxa.”

Habacuc 1:6

Babiloniankirinakaruw nuwantapxañapatak sartayä, jupanakasti wali qhuru jaqinakäpxiwa, uksarus aksarus sarantañatakix wakicht'atakïsipkiwa, kawkïr uraqinakatix jan jupanakankki ukanak katuntasiñataki.

Mateo 3:12

Jupasti aski jaqinakarux ñanqha jaqinak taypit irpsunini. Aski jaqinakarusti qhispiyaniwa, ukampis ñanqha lurir jaqinakarux jan jiwt'ir ninaruw jaquntani” sasa.

Lucas 3:17

Jupasti aski jaqinakarux jucharar jaqinak taypit apsuni. Aski jaqinakarusti qhispiyaniwa, juchararanakarusti jan jiwarir ninaruw jaquntani.”