Jeremías 39:4 - Qullan Arunaka DC

⁴ Sedequías reyimpi, soldadonakapampisti ukanak uñjasin markat jaltxapxänwa. Arumpachaw reyin utapan panqar uyunakäkis uksa chiq mistuwayxapxäna, pä pirqa taypinkkisa uka punkunjama, ukatsti Jordán qhirwa tuqir sarkis uka thakhinjam jaltxapxäna.

Aymar Bibliia 1986

⁴ Sedequias reyimpi uqhamaraqui soldadonacapampejja ucanaca uñjasinsti, marcatjja jaltjjapjjänwa. Arumaw mistuwayjjapjjäna, palacion jardinanacäquis ucsa chekwa mistuwayjjapjjäna, pä perka taypincquisa uca puncunjama, ucatsti Jordán valle tokeru sarquis uca thaquinjamwa jaltjjapjjäna.

Qullan Arunaca

⁴ Sedequias reyimpi uqhamaraqui soldadonacapampejja ucanaca uñjasinsti, marcatjja jaltjjapjjänwa. Arumaw mistuwayjjapjjäna, palacion jardinanacäquis ucsa chekwa mistuwayjjapjjäna, pä perka taypincquisa uca puncunjama, ucatsti Jordán valle tokeru sarquis uca thaquinjamwa jaltjjapjjäna.

Jeremías 39:4 Jak'a apnaqawi uñst'ayäwi

2 Crónicas 32:5

Ezequiasasti ch'amañchasïnwa, ukatsti markan tukjata pirqapa askichayäna, uka pirqa patxarusti pukaranak lurayäna, ukatxa anqäxan yaqha pirqampi lurayarakïna. Ukxarusti Davidan Markap thiyankki uka q'awanaksa laq'ampiw phuqhantayäna, ukatsti lanzanaka, jark'aqasiñanak waljpun lurayäna.

Isaías 22:11

Uka pä pirqa taypirusti, mirq'i qutañan umapatakiw uma qutañ lurapxaraktaxa. Ukampisa janiw jumanakax amuyasipktati khititix taqi ukanak lurki ukxa, jupax nayra maranakatpach taqi ukanak wakichäna.

Isaías 22:3

jilïrinakamax taqiniw jaltxapxi, mich'inakat jaltapxatapatsti taqiniw katuntatäpxi. Wali ch'aman jaqinakamasti jayaruw jaltxapxi, uka kipka katuntatäpxarakiwa.

Isaías 29:2

nayaw Jerusalenarux jan walt'añar uchaskä, warariñanakampi, ayquñanakampiw utjani. Markasti ninampi nakhantayatäniwa, kunjämtix uywa waxt'anakax altaran nakt'ayatax ukhama.

Jeremías 32:4

Sedequías reyisti janirakiw Babilonia jaqinakan amparapat jaltkaniti, jan ukasti Babiloniankir reyin nayraqatapar uñstañapäniwa.

Jeremías 32:5

Nabucodonosor reyisti Sedequías reyirux Babilonia uraqiruw apasxani, ukan qhipararakini nayan jupat amtasiñaxkama. Jumanakax qawqhas babilonionakatak sayt'asisipkam, ukampis janiw atipapkätati. Naya, Tatituw uk arsta’ ” sasa.

Ezequiel 12:12

Jupanakan jilïripasti q'ipip q'ipt'asitaw uka ch'amakthapix pirqa p'iyanjam mistuwayxañaparaki. P'inqapatsa markar jan uñjañatakix ajanup imt'asisin sarxani.

Ezequiel 12:4

Jichhax urpacha, taqin uñjkañ yänakam apthapisim, apanukutäñatakis wakichaskasma ukhama; jayp'u tuqirusti taqinin uñjkataraki mistuwayxam, apanukutäsinsa sarkasma ukhama.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Amós 2:14

Qawqhsa jaltasipkätawa, janiw atipapkätati; wali ch'aman jaqirusa ch'amax pist'aniwa, ch'amamp atipt'irïki uka jaqis qhispkaniti.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.