Jeremías 39:14 - Qullan Arunaka DC

¹⁴ Jeremiasarux uñjirinakan uta anqapat irpsuyanipxäna, ukatsti Ahicam jaqin Guedalías yuqaparu, khititix Safán jaqin allchhipäki ukaruw uñjañapatak katuyapxäna, ukatsti utaparuw irpxapxäna. Ukhamat Jeremiasax markan utjir jaqinakampi chika jakasiñatak qhiparxäna.

Aymar Bibliia 1986

¹⁴ Jeremiasarojj irpsuyanipjjäna guardianacan patiopata, ucatsti Gedalías sisqui ucaruw catuyapjjäna uñjañapataqui, ucasti Ahicam sisqui uca jaken yokapänwa, Safán jaken allchhiparaqui, ucatsti utaparuw irpjjapjjäna. Uqhamaw Jeremiasajj mayni jakenacampi chica kheparjjäna jacasiñataqui.

Qullan Arunaca

¹⁴ Jeremiasarojj irpsuyanipjjäna guardianacan patiopata, ucatsti Gedalías sisqui ucaruw catuyapjjäna uñjañapataqui, ucasti Ahicam sisqui uca jaken yokapänwa, Safán jaken allchhiparaqui, ucatsti utaparuw irpjjapjjäna. Uqhamaw Jeremiasajj mayni jakenacampi chica kheparjjäna jacasiñataqui.

Jeremías 39:14 Jak'a apnaqawi uñst'ayäwi

2 Reyes 22:12

ukatsti ukspachaw Hilquías sacerdoteru, Safán chachan Ahicam yuqaparu, Micaías chachan Acbor yuqaparu, Safán qillqiriru, Asaías yanapiripampir akham säna:

2 Reyes 22:14

Ukatsti Hilcías, Ahicam, Acbor, Safán, Asaías jupanakax Huldá sat profetisa warmin ukaruw sarapxäna; jupasti Jerusalén markan machaq markäkis ukan jakäna. Huldá warmix, Ticvá chachan Salum yuqapan warmipänwa, Harhás chachan allchhipa. Salum chachax reyin isinakap uñjirïnwa; jiskt'apkäna ukkhasti,

2 Crónicas 34:20

ukat ukspachaw Hilquías jilïr sacerdoteru, Safán chachan Ahicam yuqaparu, Micaías chachan Abdón yuqaparu, Safán sat qillqiriru, reyin Asaías jilïr yanapiriparux akham säna:

Salmos 105:19

Tatitun arupaw Josearux yant'äna, Josean yatiyäwip phuqhasiñapkama.

Jeremías 26:22

Ukampis Joacín reyix Acbor sat jaqin Elnatán sat yuqapampiru, yaqha jaqinakampiruw Egipto markar khithäna, Urías profetar thaqhanipxañapataki,

Jeremías 26:24

Ukampisa, Safán jaqina Ahicam sat yuqapaw Jeremías profetat arxatasis parläna, Jeremiasax markan amparapan jan jiwayat uñjasiñapataki.

Jeremías 32:2

Uka urunakansti Jerusalén markax Babiloniankir reyin ejercitopampi muyuntatänwa, Jeremías profetasti reyin utapan carcelax utjkäna uka anqäxan katuntataw uñjasïna.

Jeremías 37:21

Ukhamasti Sedequías reyix Jeremiasan, uñjirinakan uta anqaparuki katuntat qhiparañapatakiw arsüna, ukatsti sapüruraki t'ant'a Luririnakan thakhipa satäki ukan aljapki ukat t'ant'a aparapipxañapa. Ukhamaw phuqhasïna markan t'ant'ax utjkän uka urunakkama. Ukhamat Jeremías profetax uñjirinakan uta anqapan katuntat qhipararakïna.

Jeremías 38:13

Jaqinakasti uka wiskat jiyt'asaw uma phuch'ut apsupxäna. Uka qhipatsti Jeremiasax uñjirinakan uta anqapan qhipararakïna.

Jeremías 38:28

Jeremiasasti, Jerusalén markax katuntatäkän ukkhakamaw uñjirinakan uta anqapan katuntat qhipararakïna.

Jeremías 39:13

Ukhamasti Nebuzaradán chachaxa, Nebusazbán chachampi chika, Nergal-sarézer sata jach'a jilïrinakampi chika, ukhamaraki Babiloniankir reyin taqi jach'a jilïr yanapirinakapampi kunaw,

Jeremías 39:15

Jeremías profetax uñjirinakan uta anqapan katuntatäskän ukapachaw Tatitux jupar parläna, akham sasa:

Jeremías 40:1

Tatitux Jeremías chacharuw parläna, kunapachatix uñjirinakan jilïripa Nebuzaradán sat chachax Jeremiasar Ramá sat uraqin antutnukxäna ukapacha. Nebuzaradán sat jilïristi, Jerusalén jaqinak taypina, Judá jaqinak taypina khitinakatix Babiloniar katuntat apatäñatak wakichatäpkän ukanak taypin Jeremiasarux katuntata, cadenanakampi ñach'antat jikxatatayna.

Jeremías 40:5

Kuttxañ munsta ukapachasti, Guedaliasan ukar kuttxam, khititix Ahicam sat jaqin yuqapäki, Safán jaqin allchhipäkaraki ukaru. Babiloniankir reyisti juparuw Judá uraqinkir markanak apnaqañapatak utt'ayaraki, ukhamasti jupampi jakir sarxam, ukhamaraki markamamp chika. Kawkiruy sarxañ munsta ukarux saraskakim” sasa. Uka jilïristi jank'akiw Jeremiasarux mä waxt'äwi churäna, ukhamaraki kunanakatix munaski jakañatakix ukanaksa, ukatsti khithanukxänwa.

Jeremías 40:6

Ukhamaw Jeremías profetax Mispá sata chiqar Guedalías jaqimpi jakir sarxäna, ukhamaraki kawkïr jaqinakatix uka uraqir qhiparapkatayna ukanakampi.

Jeremías 40:7

Judá markan ejercitopan jilïrinakapaxa, soldadonakapasa, khitinakatix pampan jikxatasipkäna ukanakaxa, Babiloniankir reyix Ahicam jaqin Guedalías yuqapar uka marka apnaqañapatak utt'ayatapa yatisinsti, ukhamaraki taqi chachanaka, warminaka, wawanaka, kawkïrinakatix Babiloniaru jan apatäpkän ukanakar apnaqañapataki utt'ayatätapa ist'asinsa,

Jeremías 41:1

Paqallqu phaxsi saraqatarusti, Netaniasan yuqapa Elisamá sat jaqin allchhipa Ismael jaqix, khititix reyin wila masipäki ukax Mispá chiqan Guedaliasampi parliriw saräna. Tunka jaqinakampi chikt'ataw saräna. Ukatsti Mispá chiqan manq'kasinxa,