Jeremías 39:1 - Qullan Arunaka DC

¹ Sedequías reyix tunka mara, llätunka phaxsinaka Judá uraqi apnaqkän ukkhawa, Nabucodonosor reyix Babiloniat jutantäna taqi ejercitopampi Jerusalén markar katuntañataki, ukatsti q'al muyuntarakïna.

Aymar Bibliia 1986

¹ Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Qullan Arunaca

¹ Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Jeremías 39:1 Jak'a apnaqawi uñst'ayäwi

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Jeremías 32:1

Sedequías reyix tunka mara Judá uraqi apnaqkäna, Nabucodonosor reyis Babilonia marka tunka kimsaqallqun mara apnaqkarakïna uka maraw Tatitux Jeremiasarux parlxayäna.

Jeremías 34:1

Kunapachatix Babiloniankir Nabucodonosor reyix taqi markanakat jawsthapit ejercitopampi, jupax apnaqkän uka markanakampi Jerusalén markaru, ukhamaraki taqi uksa tuqinkir markanakar nuwantaskäna, ukapachaw Tatitux Jeremías profetar parlxayäna akham sasa:

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 52:1

Sedequías reyix Jerusalén marka apnaqañ qalltkän ukapachasti, pä tunka mayan maranïnwa, Jerusalén markansti tunka mayan maraw marka apnaqäna. Taykapax Hamutal satänwa, Libna markankir Jeremiasan phuchhaparakïnwa.

Jeremías 6:6

Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Ezequiel 33:21

Niya tunka payan maraw saraqxatayna Babilonia markar katuntat purinipkta ukkhatxa, ukat tunka phaxsina, phisqa uru saraqatarusti, mä jaqiw Jerusalén markat jaltanxatayna, jupasti Jerusalén markan uñisirin amparaparu jalt'atap yatiyitu.

Ezequiel 4:3

Ukatsti hierrot lurat mä jach'a lata katum; uka latampisti jumampi, markampi uka taypir mä pirqäkaspas ukham uskum, ukat uka marka uñkatasiru sayt'asim nuwantañatakjama. Ukasti israelitanakatakix mä unañchäwïniwa.

Ezequiel 40:1

Nayrïr phaxsina, tunka uru saraqatarusti, uka urux machaq mara qallta urünwa, uka uruw Tatitux amparap nayxar luqxatitu, ukatsti mä unañchäwi tuqiw Israel uraqir irpitu. Babilonia uraqir apatäpkäyäta ukat aksarux niya pä tunka phisqan maräxänwa, Jerusalén markax katuntatäkän ukkhatsti tunka pusin maräxarakïnwa. Israel uraqinsti Tatitux mä jach'a qullu pataruw irpnuqitu, ukatpach aynach tuqin walja jach'a utanak uñjta, ukax mä markäkaspas ukhamänwa.

Ezequiel 5:2

Jerusalén markax katuntat uñjaskani ukkhasti, uka kimsar jaljat ñik'utxa, mayïrxa marka taypir sarasin ukan nakhantayam; mayïrsti, mä espadampi khuchhunuqas marka muytpachar willtanim, ukat jilt'äki uksti thayarurak willxaruyam. Nayasti markankir jaqinakan qhipap sarä, mä espadas ayt'ata.

Zacarías 8:19

“Pusïri phaxsina, phisqïri, paqallqüri, tunkïri phaxsin ayuno lurañaxa, kusisiñaruw kipstani, Judá wila masit saraqirinakatakix kusisiñ phunchhäwinakaruw tukuni. ¡Jumanakax chiqa arsuñampiru sumankañampir munapxam!”

Deuteronomio 28:36

“Diosan munañapat jumasa, reyimasa katuntat uñjasini, ukatsti yaqha markar apataw uñjasipxäta, uka marksti janiw jumasa, awkinakamas uñt'apkänti. Ukatsti uka markan yaqha diosanakar yupaychapxäta, lawata, qalat lurat diosanakaru.