Jeremías 38:9 - Qullan Arunaka DC

⁹ —Jach'a rey, kuntix uka jaqinakax Jeremiasampi lurapki ukax wali jach'a juchawa. Mä phuch'uruw jaquntapxi ukan manq'atjam jiwaski, t'ant'asti janirakiw markan utjkxiti —sasa.

Aymar Bibliia 1986

⁹ “Jach'a rey, cuntejj uca jakenacajj Jeremiasampi lurapqui ucajj wali jach'a juchawa. Mä phuch'uruw jakontapjje ucanwa mank'atjama jiwascaraqui, t'ant'asti janiraquiw marcanjja utjcjjeti” sasa.

Qullan Arunaca

⁹ “Jach'a rey, cuntejj uca jakenacajj Jeremiasampi lurapqui ucajj wali jach'a juchawa. Mä phuch'uruw jakontapjje ucanwa mank'atjama jiwascaraqui, t'ant'asti janiraquiw marcanjja utjcjjeti” sasa.

Jeremías 38:9 Jak'a apnaqawi uñst'ayäwi

Job 31:34

jaqinakar axsaratax layku. Janipuniw wila masinakaxamp jan jisk'achayasiñ laykux kunapachas ukanakxa jamasar imxäskäyätti.

Jeremías 19:9

Kunapachatix aka markax jach'a jan walt'añan jikxatasini, uñisirinakapansa muyuntat uñjaskani ukapachaxa, jaqinakarux pachpa wawanakap manq'asiyä, jupanakkamas maynit maynikamaw manq'asipxani’ sasa.

Jeremías 37:21

Ukhamasti Sedequías reyix Jeremiasan, uñjirinakan uta anqaparuki katuntat qhiparañapatakiw arsüna, ukatsti sapüruraki t'ant'a Luririnakan thakhipa satäki ukan aljapki ukat t'ant'a aparapipxañapa. Ukhamaw phuqhasïna markan t'ant'ax utjkän uka urunakkama. Ukhamat Jeremías profetax uñjirinakan uta anqapan katuntat qhipararakïna.

Jeremías 38:10

Reyisti ukspachaw Ébed-mélec jaqirux mayïna, jupampi chika kimsa tunka jaqinakar irpasiñapataki, ukatsti Jeremiasar janïra jiwkipan uka phuch'ut apsuñapataki.

Jeremías 38:8

Ukhamasti Ébed-mélec sat jaqix reyin utapat mistuwayasinxa reyir yatiyiriw saräna, akham sasa:

Jeremías 39:17

Ukampis axsarkta uka ñanqha jaqinakar jan jalt'añamatakix nayaw jumarux imarakïma. Naya, Tatituw uk arsta.

Jeremías 52:6

Uka pachpa marana, pusi phaxsi, llätunka uru saraqatarusti, Jerusalén markanxa manq'at pist'añax juk'ampiw jilxattäna, jaqinakatakisti janiw kuna manq'añas utjkxarakïnti.

Lamentaciones 1:11

Taqi markachirinakapaw jichhax wal jachapxi, manq'añ thaqhasaw sarnaqasipki; qamir yänakapsa manq'ampiw turkasipxi, ukhamat manq'atjam jan jiwañataki. ¡Tatay, nayan aynacht'atax uñtanimaya! ¡Jan walt'ataxsa amuyarakimaya!

Lamentaciones 3:53

jakkirpach mä phuch'ur allintapxitu, mistuñaxarus mä qalampiw atxatapxitu.