Jeremías 38:23 - Qullan Arunaka DC

²³ Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.

Aymar Bibliia 1986

²³ Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Qullan Arunaca

²³ Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Jeremías 38:23 Jak'a apnaqawi uñst'ayäwi

2 Reyes 25:7

ukatsti jupan nayraqatapan wawanakaparux kharinukuyäna. Sedequiasarusti nayranakap irsuyäna, cadenanakampi ñach'antataw Babiloniar apxaruyäna.

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 32:4

Sedequías reyisti janirakiw Babilonia jaqinakan amparapat jaltkaniti, jan ukasti Babiloniankir reyin nayraqatapar uñstañapäniwa.

Jeremías 34:3

Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Jeremías 37:8

Babilonionakasti jichhax Jerusalén markar wasitat nuwantañatakiw kuttanipxani, katuntasinsti ninampiw phichhantapxani.

Jeremías 38:18

Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 38:24

Ukat Sedequías reyix Jeremiasar sarakïna: —Jumatix jan jiwañ munkstaxa, jan khitimpis aka tuqit parlamti.

Jeremías 39:5

Ukampis Babiloniankir soldadonakax Sedequías reyiruw arktapxäna, ukatsti Jericó pamparuw jikxatapxäna. Katuntasinsti Nabucodonosor reyin nayraqataparuw irpapxäna; uka reyisti Riblá sata uka chiqankaskänwa, Hamat sata uraqina. Ukan Nabucodonosor reyix mä juchañchäwi mistuyäna: pachpa Sedequiasan uñjkataw wawanakaparux p'iqi khariqas jiwarayäna, ukhamaraki Judá uraqin apnaqapkän taqi uka jach'a jilïrinakaparusa.

Jeremías 41:10

Ukhamarus Ismael jaqix reyin phuchhanakaparu, kawkïr jaqinakatix Mispá chiqan qhiparapkatayna taqi uka jaqinakaruw katuntayatayna, khitinakarutix Nebuzaradán jilïrix Guedalías chachan apnaqatäpxañapatak uskuwaykatayna taqi ukanakaru. Taqi uka katuntat jaqinakampisti, Ismael chachax amonitanakan uraqip tuqiruw saräna.

Jeremías 6:12

Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Ezequiel 17:15

Ukampis uka reyin jilïr yuqapax Babiloniankir reyitakix sayt'asïnwa, ukatsti Egiptoruw yatiyirinak khithäna, caballonaka, walja soldadonak mayiniñapataki. ¿Jumanakasti amuyapxtati ukanak lurasin atipjañapa, jiwañatsa jaltxañapxa? ¿Uka arust'äwir jan phuqhiristi jiwañat qhispispati?

Ezequiel 43:3

Uka unañchäwisti, Tatitux Jerusalén marka t'unjiri jutkän ukapacha uñjkäyäta ukhamänwa, Quebar sat jawira jak'an uñjkäyät uka kipkarakïnwa. Ukat nayax uraqir puriñkamaw p'iqix alt'asta,

Números 4:18

“Jan jumanakax munapxamti, levitanak taypit Quehat chachan wila masinakapan chhaqtapxañapa.