Jeremías 38:22 - Qullan Arunaka DC

²² Judá markankir reyipan utapatsti qawqha warminakatix ukan qhiparapki ukanakax apsutäniwa, ukatsti Babiloniankir reyin jilïrinakapar katuyatäniwa, ukatsti uka pachpa warminakaw reyir akham sapxani: ‘Alkataskta uka suma masinakamasti sallqjasinxa atipjapxtamwa; kayumas mä ñiq'ir jalantatjamawa, ukasti janiw yanapt'apktamti’ sasa.

Aymar Bibliia 1986

²² Judá marcanquiri reyipan palaciopatsti take qhitinacatejj ucan kheparapqui uca warminacasti apsutäniwa, ucatsti Babilonianquiri generalanacaruw catuyataraquïni, ucatsti uca warminacajj jupanacpacharaquiw sapjjani: “Reyin suma amigonacapaw juparojj sallkjapjje, ucatsti atipjapjjaraquiwa; cayunacapajj ñek'eru jalantasquipansa janiw waysupcänti, jan ucasti maysa uñtjjapjje” sasa.

Qullan Arunaca

²² Judá marcanquiri reyipan palaciopatsti take qhitinacatejj ucan kheparapqui uca warminacasti apsutäniwa, ucatsti Babilonianquiri generalanacaruw catuyataraquïni, ucatsti uca warminacajj jupanacpacharaquiw sapjjani: ‘Reyin suma amigonacapaw juparojj sallkjapjje, ucatsti atipjapjjaraquiwa; cayunacapajj ñek'eru jalantasquipansa janiw waysupcänti, jan ucasti maysa uñtjjapjje’ sasa.

Jeremías 38:22 Jak'a apnaqawi uñst'ayäwi

Job 6:15

Ukampisa, jumanaka, jaqi masinakaxaxa, janiw yanapt'apkistati, waña jawirar uñtataw nayatak tukupxtaxa.

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Salmos 69:14

14 (15) ¡Janikiy nayan ñiq'ir jalantañax munamti! ¡Nayar uñisirinakat qhispiyakitaya, walja uma manqhanakat wayst'asikitaya!

Salmos 69:2

2 (3) ñiq'i phuch'uruw jalantaskta, janiw kawkhar takt'asiñas utjkiti. Uma manqharuw purta, uka walja umaw apxitu.

Isaías 42:17

K'ari diosanakar alkatasirinakasti, uka diosanakar yupaychirinakasa, p'inqachjataw jayar sarxapxani.

Jeremías 13:21

“¿Kamsätas Jerusalén, kunapachatix juma pachpan yatichat jaqinakampi apnaqatäkäta ukapachaxa? Wawachasir warmin usunakapjamaw jutarakïtam.

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 27:14

Jan ist'apxamti kawkïr profetanakatix Babilonia markan reyipar jan jaysapxañamatak amtayapktam ukanakaruxa, taqi uka parlatanakapasti k'arikamakiwa, sasa.

Jeremías 27:15

Tatitusti sarakiwa: ‘Janiw nayax jupanakarux khithankti’ sasa, jupanakasti inakiw Tatitun sutipxar parlasipki. Uka k'ari profetanakax Tatitun jumanakar aka uraqit jaqunukuñapak munasipki, ukatsti uka k'ari profetanakasa, jumanakasa taqiniw jiwarapxäta” sasa.

Jeremías 38:19

Sedequías reyisti ukxarux sarakïnwa: —Kawkïr judionakatix babilonionakampi mayachasxapxi ukanakaruw nayax axsarta; nayatix jupanakan amparanakapar jalt'ä ukkhasti, jupanakax nayarux wal nuwjapxitani —sasa.

Jeremías 38:21

Ukampis juma, jach'a reyitix jan jayskätaxa, kunatix luraskani ukanakat Tatitux nayar yatiyarakitu.

Jeremías 41:10

Ukhamarus Ismael jaqix reyin phuchhanakaparu, kawkïr jaqinakatix Mispá chiqan qhiparapkatayna taqi uka jaqinakaruw katuntayatayna, khitinakarutix Nebuzaradán jilïrix Guedalías chachan apnaqatäpxañapatak uskuwaykatayna taqi ukanakaru. Taqi uka katuntat jaqinakampisti, Ismael chachax amonitanakan uraqip tuqiruw saräna.

Jeremías 43:6

chachanakaru, warminakaru, wawanakaru, reyin phuchhanakaparu, taqi jaqinakaru, khitinakarutix Nebuzaradán sat uñjirinakan jilïripax Guedaliasan apnaqatäpxañapatak utt'ayawaykatayna ukanakaru, Jeremiasampiru, Baruc sat chachamppacharu.

Jeremías 46:21

Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Jeremías 46:5

“Ukampisa, ¿kunsa uñjtxa? ¡Egipcio soldadonakax qhiparuw jittapxi! Atipjata, axsarañampi phuqhantata, jan qhipar uñtasaw jaltxapxi. ¡Taqi chiqansa axsarañaw phuqhanti! Naya, Tatituw uk arsta.

Jeremías 6:12

Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Lamentaciones 1:13

Tatitux alaxpachatpach mä nina apayani ukasti ch'akhanakkam nayarux naksutu; saräwixarusti mä sipit uskuraki, ukampisti qhiparuw kuttayitu; nayarux q'al apanukutu, t'aqhisiñaxas jan tukuskayawa.

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Lamentaciones 5:11

Jerusalén markansa, Judá markanakansa, warminakasarux warmisiwäpxiwa.

Miqueas 7:5

Jaqi masiman aruparux jan jaysamti, janiraki khiti yälamarus atint'asimti; warmimar parlatamatsa sum amuyasim.