Jeremías 38:18 - Qullan Arunaka DC

¹⁸ Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Aymar Bibliia 1986

¹⁸ Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati” sasa.

Qullan Arunaca

¹⁸ Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati’ sasa.

Jeremías 38:18 Jak'a apnaqawi uñst'ayäwi

2 Reyes 24:12

Ukat Judá marka apnaqir Joaquín reyix, taykapampi, jilïrinakapampi, yanapirinakapampi, jupan suma uñt'at jaqinakampi Babiloniankir reyiru katuyasxapxäna, uka reyisti jupanakarux katuntayxänwa. Ukasti kunapachatix Nabucodonosor reyix kimsaqallqu mara Babilonia marka apnaqkän ukapachaw lurasïna.

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 27:8

Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Jeremías 37:8

Babilonionakasti jichhax Jerusalén markar wasitat nuwantañatakiw kuttanipxani, katuntasinsti ninampiw phichhantapxani.

Jeremías 38:23

Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.

Jeremías 38:3

Tatitusti sarakiwa: ‘Aka markax Babiloniankir reyin amparaparuw jalt'ani. Jupaw katuntani, janirakiw khiti jark'aqirsa jikxataskaniti’ ” sasa.

Jeremías 39:3

uka p'iyanjamarak Babiloniankir ejerciton jach'a jilïrinakapas mantantapxäna, ukatsti taqinin mantañäki uka punkuruw utjnuqtapxäna. Ukanakasti: Nergal-sarézer, Samgar, Nebo-sarsequim, uka jilïrinakänwa.

Jeremías 39:8

Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.

Ezequiel 12:13

Nayasti jupxarux qänaxampi jaqxatasin katjä. Babiloniaruw juparux katuntat aparakï, ukampis janiw uka marka uñjkaniti, uka markar janïra purkasin jiwxani.

Ezequiel 17:15

Ukampis uka reyin jilïr yuqapax Babiloniankir reyitakix sayt'asïnwa, ukatsti Egiptoruw yatiyirinak khithäna, caballonaka, walja soldadonak mayiniñapataki. ¿Jumanakasti amuyapxtati ukanak lurasin atipjañapa, jiwañatsa jaltxañapxa? ¿Uka arust'äwir jan phuqhiristi jiwañat qhispispati?