Jeremías 37:1 - Qullan Arunaka DC

¹ Babiloniankir Nabucodonosor reyisti, Josiasan Sedequías yuqaparuw Judá uraqin reyïñapatak utt'ayäna, Joacín jaqin Joaquín yuqap lanti.

Aymar Bibliia 1986

¹ Babilonianquiri Nabucodonosor reyisti, Josiasan yokapa Sedequiasaruraquiw utt'ayäna, Judá orakena, Joacim jaken Jeconías yokapa lanti reyïñapataqui.

Qullan Arunaca

¹ Babilonianquiri Nabucodonosor reyisti, Josiasan yokapa Sedequiasaruraquiw utt'ayäna, Judá orakena, Joacim jaken Jeconías yokapa lanti reyïñapataqui.

Jeremías 37:1 Jak'a apnaqawi uñst'ayäwi

2 Reyes 24:12

Ukat Judá marka apnaqir Joaquín reyix, taykapampi, jilïrinakapampi, yanapirinakapampi, jupan suma uñt'at jaqinakampi Babiloniankir reyiru katuyasxapxäna, uka reyisti jupanakarux katuntayxänwa. Ukasti kunapachatix Nabucodonosor reyix kimsaqallqu mara Babilonia marka apnaqkän ukapachaw lurasïna.

2 Reyes 24:17

Ukatsti Babiloniankir reyix Matanías chacharuw Joaquín sobrinop lantix, reyit utt'ayäna, sutipsa yaqha sutimpiw uchäna, Sedequías sasa.

Jeremías 21:1

Sedequías reyix Malquías jaqin Pashur yuqapampiru, Maasías jaqin Sofonías sacerdote yuqapampiruw Jeremiasan ukar khithäna akham sasa: “Babiloniankir Nabucodonosor reyiw nanakampi nuwasiñ muni. Achikt'asipxsmawa, Tatituruy nanakar yanapt'añapatak mayirapipxita, inampis Tatitux mä muspharkañ lurañ munaskaspa, ukhamat Nabucodonosor reyin aka chiqat sarxañapataki” sasa. Ukhamasti Tatitux Jeremiasaruw parlxayäna,

Jeremías 22:24

Tatitux Joacín jaqin Joaquín yuqaparux, Judá uraqin reyiparux siwa: “Juramentompiw arsta: Kupi amparaxan surtijapäkasma ukasa, amparaxat apanukupunirismawa,

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 24:1

Babiloniankir Nabucodonosor reyix, Judá uraqinkiri Joacín reyin Joaquín yuqaparu, ukhamarak taqi jilïrinakaru, irnaqirinakaru, herreronakar katuntat apasxatapatsti, Tatitux pä higo canastanak Tatitun utap nayräxan waynuqat uñjayitu.

Jeremías 34:2

“Naya Tatitu, Israelan Diosapaw maysma, Judá uraqin Sedequías reyipar saniñamataki akham sasa: ‘Nayaw Jerusalén markxa Babiloniankir reyir katuyä, ninampi phichhantañapataki.

Jeremías 52:31

Judá uraqinkir Joaquín reyix niya kimsa tunka paqallqun mara apanukut uñjaskän ukkhasti, tunka payan phaxsi saraqataruw Evil-merodac sat reyix Babilonia marka apnaqañ qalltxäna, jupasti Joaquín reyit khuyapt'ayasïnwa, ukat carcelat irpsxarakïna.