Jeremías 36:9 - Qullan Arunaka DC

⁹ Joacín chachan Josías yuqapax, Judá uraqin phisqa mara llätunka phaxsimpi reyïkän ukapachaw mä amtäwix mistüna, taqi khitinakatix Jerusalén markan jakapki, Judá uraqin markanakapat jutapki ukanakas Tatit nayraqatan ayunapxañapataki.

Aymar Bibliia 1986

⁹ Joacim chachan Josías yokapajj Judá orakena pheska mara reyïcän ucapachaw, llätunquïri phajjsinjja mä amtäwejj misturaquïna take qhitinacatejj Jerusalén marcan jacapqui, uqhamaraqui Judá orakena marcanacapata jutapqui ucanacajj ayunapjjañapataqui Tatitu nayrakatana.

Qullan Arunaca

⁹ Joacim chachan Josías yokapajj Judá orakena pheska mara reyïcän ucapachaw, llätunquïri phajjsinjja mä amtäwejj misturaquïna take qhitinacatejj Jerusalén marcan jacapqui, uqhamaraqui Judá orakena marcanacapata jutapqui ucanacajj ayunapjjañapataqui Tatitu nayrakatana.

Jeremías 36:9 Jak'a apnaqawi uñst'ayäwi

2 Crónicas 20:3

Josafat reyisti axsarañat Tatituruw makhatäna, ukatxa ayuno lurañatakiw Judá uraqpachar yatiyäna,

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Jeremías 36:1

Josiasan yuqapa, Joacín reyix Judá uraqi pusi mara apnaqkän ukapachaw Tatitux Jeremiasar parläna, juparusti sarakïnwa:

Jeremías 36:22

Reyisti ukapachax juyphipacha qamarañ utapankaskänwa, mä junt'uchir nina thiyan qunt'ata, llätunkïr phaxsïnwa.

Jeremías 36:6

Uka layku, jutir ayuno lurañ urunxa jumaw saräta, ukatsti kuntix qillqayksma uka arunak ullararakïta, ukhamat Jerusalén markpacha, Judá uraqin utjir markanakan jakirinakat aka markar jutapki ukanakax Tatitun arunakap ist'apxañapataki.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Levítico 23:27

“Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Jonás 3:5

Uka markankir jaqinakasti jach'at jisk'akamaw Tatitur iyawsapxäna, ayuno lurañ amtapxarakïna, llakisiñatsa chhankha isinakampiw isthapisipxäna.

Zacarías 8:19

“Pusïri phaxsina, phisqïri, paqallqüri, tunkïri phaxsin ayuno lurañaxa, kusisiñaruw kipstani, Judá wila masit saraqirinakatakix kusisiñ phunchhäwinakaruw tukuni. ¡Jumanakax chiqa arsuñampiru sumankañampir munapxam!”

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

1 Samuel 7:6

Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.