Jeremías 36:4 - Qullan Arunaka DC

⁴ Jeremiasasti Nerías jaqin Baruc sat yuqaparuw jawsäna, ukatsti taqi kuntix Tatitux siskäna uka arunak qillqañapatakiw sarakïna, Baruc chachasti mä lip'ichiruw taqi uka arunak qillqantäna.

Aymar Bibliia 1986

⁴ Jeremiasasti Nerías jaken Baruc sat yokaparuw jawsäna, ucatsti take cuntejj Tatitojj siscäna uca arunacwa saraquïna kellkañapataqui, Baruc chachasti mä rolloruw take uca arunacjja kellkaraquïna.

Qullan Arunaca

⁴ Jeremiasasti Nerías jaken Baruc sat yokaparuw jawsäna, ucatsti take cuntejj Tatitojj siscäna uca arunacwa saraquïna kellkañapataqui, Baruc chachasti mä rolloruw take uca arunacjja kellkaraquïna.

Jeremías 36:4 Jak'a apnaqawi uñst'ayäwi

Isaías 30:8

Tatitusti Isaías profetarux siwa: Jichhax jutam, kuntix uñjkta uk qillqam, mä qillqañar taqi ukanak qillqantam, ukasti qhipa urunakatak qhiparpan, taqininsa amtaskañapataki.

Isaías 8:1

Tatitusti sarakituwa: “Isaías, wakisiw Urías profetampiru, ukhamaraki Zacarías khititix Jeberequiasan yuqapäki ukampir jawsaniñamaxa, jupanakasti kuntix lurkäta ukanak uñjapxani. Jupanak nayraqatan ñiq'it lurat mä jach'a pallallxar jach'a qillqampi akïr suti suma qhan qillqantäta: ‘Maher-salal-hasbaz’ sasa, ukasti sañ muni: ‘T'unjatäñax niyaw jutaski, lunthatanakas niyaw akankxi.’ ”

Jeremías 25:13

Uka markxarusti taqi kunatix aka qillqatan utjki, kunanaktix yatiykta taqi ukanak puriyanï; taqi kunanaktix Jeremías profetax nayan sutixar taqi markanakar yatiykäna ukanaka.

Jeremías 30:2

“Naya, Israelan Diosapa Tatituw arsta: Taqi kuntix siskäma uka arunak qillqantam,

Jeremías 32:12

ukatsti uka paypach waraqatxa, Nerías jaqin Baruc yuqaparuw churxta, Maaseías jaqin allchhiparu. Uksti Hanamel primo jilax nayraqatana, sutinakap qillqantapkäna uka qhanañchirinak nayraqatana, carcel uta anqan qunt'atäpkän uka judionak nayraqatan katuyxarakta.

Jeremías 36:14

Uka jilïrinakasti Jehudí sat jaqiruw khithapxäna, jupax Netanías jaqin yuqapänwa, Selemiasan allchhipa, Cusí sat jaqin allchhipan allchhiparaki. Uka Jehudí jaqisti sarasinxa Baruc chacharuw säna, kawkïr qillqattix ullart'ki uk jilïrinakan nayraqatapar apanim sasa. Baruc chachasti qillqat katusinxa uka jilïrinakan nayraqataparuw uñstäna,

Jeremías 36:21

Reyisti Jehudí sat jaqiruw khitharaki uka qillqat Elisamá qillqirin utapat aptaniñapataki, kunapachatix Jehudí jaqix uka qillqat puriyankän ukapachasti, reyin nayraqatapana, taqi jach'a jilïrinakan nayraqatapan ullart'äna.

Jeremías 36:23

Jehudí chachax niya pusi jananak ullaraskäna, ukapachaw reyix ullaratatjam uka qillqat cuchillompi kharinuqäna, ukatsti uka nina nakhaskiriruw nakhantayäna. Uksti taqpach qillqat nakhantayañkamaw luräna.

Jeremías 36:26

jan ukasti, Jerahmeel yuqapampiru, Azriel sat jaqin Seraías yuqapampiru, Abdeel jaqin Selemías yuqapampiruw mayïna Jeremías profetaru, Baruc sat qillqiripampir katuntapxañapataki. Ukampis Tatituw jupanakarux imantxäna.

Jeremías 36:27

Reyin ukhama, kuntix Jeremiasax Baruc qillqiripar qillqaykatayna uka qillqat nakhantayatapatsti, Tatitux wasitat Jeremiasar parläna akham sasa:

Jeremías 36:28

“Jichhax yaqha jisk'a lip'ichinak jikxatam, ukatsti nayrïr qillqatankkäna, Judá uraqinkir Joacín reyix phichhantayki uka arunak wasitat qillqam.

Jeremías 36:32

Ukhamasti Jeremías profetax yaqha jisk'a lip'ichinak aptasin Baruc qillqiriparuw churi, ukatsti jupax kuntix Jeremiasax siskäna taqi uka arunak qillqarakïna, kawkïr qillqattix Joacín reyix nakhantaykäna ukan qillqatäkäna uka kipka arunakarak qillqantayäna. Ukhamarus Jeremiasax uka qillqatarux yaqha arunakampi yapxatarakïna.

Jeremías 36:6

Uka layku, jutir ayuno lurañ urunxa jumaw saräta, ukatsti kuntix qillqayksma uka arunak ullararakïta, ukhamat Jerusalén markpacha, Judá uraqin utjir markanakan jakirinakat aka markar jutapki ukanakax Tatitun arunakap ist'apxañapataki.

Jeremías 43:3

Nerías jaqin Baruc yuqapakiw jumarux ukham nanak tuqi arsuñamatak amtaytamxa, ukhamat nanakan babilonionakan amparapar jalt'apxañaxataki, ukat uka markar katuntat apanukutäpxañaxataki, jan ukax jiwayatäpxañaxatakisa” sasa.

Jeremías 51:59

Sedequías reyix pusi mara Judá uraqi apnaqkän ukapachaw, Jeremías profetax Nerías sat jaqin Seraías yuqapar mä iwxa churäna, Maasías sat jaqin allchhiparu. Seraiasasti Sedequiasampi chikt'ataw Babilonia markar saräna, jupasti reyin qurpachasiñapatak wakichirïnwa.

Jeremías 51:60

Jeremías profetasti kuna jan walt'añanakatix Babilonia markxar jutkani ukanakatxa, taqpach qillsutayna,

Ezequiel 2:9

Ukatsti mä ampar naya tuqir luqtasinkir uñjarakta, uka amparasti mä qillqat apt'atänwa.

Daniel (hebreo) 7:1

Mä arumaxa, Belsasar reyix, mä mara Babilonia marka apnaqaskäna ukkhasti, Danielax mä samka samkasitayna, unañchäwinak uñjarakitayna. Ikit uñatatasinsti, kuntix samkan uñjkatayna taqi ukanak qillqsüna:

Zacarías 5:1

Yaqha unañchäwimp uñjarakta. Mä qillqat llawu alayan tuyuskiri.

Romanos 16:22

Naya Tercio, khititix aka qillqat qillqaskta, Tatitun sutipxaruw aruntanak apayanipxaraksma.