Jeremías 36:2 - Qullan Arunaka DC

² “Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Aymar Bibliia 1986

² “Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Qullan Arunaca

² “Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Jeremías 36:2 Jak'a apnaqawi uñst'ayäwi

Esdras 6:2

Ukatsti, Media suyunkir Ecbatana markan utjir jach'a utan mä qillqata jikxatapxäna, uka qillqatansti, aka arunakaw utjäna:

Job 31:35

¡Khitikis nayar ist'itaspa! Arsutaxsti, sutixamp qillqantasaw “Ukhamaw” sarakta; jichhasti, ¡taqi ch'amani Diosax sitpan! Nayar juchañchañanaksti qillqasin arsunipxpan,

Salmos 40:7

7 (8) Ukat nayax sista: “Akankasktwa” sasa, kamisatix qillqatax nayxat parlki ukarjama.

Éxodo 17:14

Uka qhipatsti, Tatitux Moisesar akham sarakïna: —Kunatix aka nuwasïwin luraski ukxa qillqam, jan khitin armasiñapataki; Josué chacharusti sarakim, nayaw amalecitanakarux jan mayampitak chhaqtayä —sasa.

Isaías 8:1

Tatitusti sarakituwa: “Isaías, wakisiw Urías profetampiru, ukhamaraki Zacarías khititix Jeberequiasan yuqapäki ukampir jawsaniñamaxa, jupanakasti kuntix lurkäta ukanak uñjapxani. Jupanak nayraqatan ñiq'it lurat mä jach'a pallallxar jach'a qillqampi akïr suti suma qhan qillqantäta: ‘Maher-salal-hasbaz’ sasa, ukasti sañ muni: ‘T'unjatäñax niyaw jutaski, lunthatanakas niyaw akankxi.’ ”

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Jeremías 1:5

“Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.

Jeremías 1:9

Ukatsti Tatitux amparap luqtanisin lakaxat llamkt'itu, sarakituwa:

Jeremías 2:4

Jacobun wawanakapa, Israelan taqi wila masinakapa, jumanakax Tatitun arunakap ist'apxam.

Jeremías 25:3

“Kunapachatix Amón jaqin yuqapa Josiasax Judá uraqi tunka kimsan mara apnaqaskäna ukat jichhakamaxa, niya pä tunka kimsan maranakäxiwa, Tatitusti ukkhatpachaw nayarux parlitäna, ukatsti nayax jumanakarux mayamp mayampi parlapxaraksma, ukampis jumanakax janiw nayarux ist'apkistati.

Jeremías 30:2

“Naya, Israelan Diosapa Tatituw arsta: Taqi kuntix siskäma uka arunak qillqantam,

Jeremías 36:14

Uka jilïrinakasti Jehudí sat jaqiruw khithapxäna, jupax Netanías jaqin yuqapänwa, Selemiasan allchhipa, Cusí sat jaqin allchhipan allchhiparaki. Uka Jehudí jaqisti sarasinxa Baruc chacharuw säna, kawkïr qillqattix ullart'ki uk jilïrinakan nayraqatapar apanim sasa. Baruc chachasti qillqat katusinxa uka jilïrinakan nayraqataparuw uñstäna,

Jeremías 36:18

Baruc chachasti ukxarux sarakïnwa: —Jeremías profetaw pachpa arunakapampi qillqayitu, ukat nayax qillqarakta —sasa.

Jeremías 36:23

Jehudí chachax niya pusi jananak ullaraskäna, ukapachaw reyix ullaratatjam uka qillqat cuchillompi kharinuqäna, ukatsti uka nina nakhaskiriruw nakhantayäna. Uksti taqpach qillqat nakhantayañkamaw luräna.

Jeremías 36:29

Ukatsti nayan sutixar sarakim: ‘Jumax ninaruw uka qillqat phichhanttaxa, ukatsti Jeremiasaruw juchañcharaktaxa Babiloniankir reyin jutañapxat qillqatapatxa, aka markarusti Babiloniankir reyix q'al t'unjani, jan jaqinakani, jan uywanakan jaytarakini sasa.

Jeremías 36:6

Uka layku, jutir ayuno lurañ urunxa jumaw saräta, ukatsti kuntix qillqayksma uka arunak ullararakïta, ukhamat Jerusalén markpacha, Judá uraqin utjir markanakan jakirinakat aka markar jutapki ukanakax Tatitun arunakap ist'apxañapataki.

Jeremías 45:1

Josías chachan Joacín sat yuqapax niya pusi mara Judá uraqin reyïkän ukapacha, Jeremías profetax Nerías jaqin Baruc yuqapar qillqayaskäna ukapachaw Jeremiasax Baruc chachar säna:

Jeremías 51:60

Jeremías profetasti kuna jan walt'añanakatix Babilonia markxar jutkani ukanakatxa, taqpach qillsutayna,

Ezequiel 2:9

Ukatsti mä ampar naya tuqir luqtasinkir uñjarakta, uka amparasti mä qillqat apt'atänwa.

Oseas 8:12

Nayax jupatak walja yatichäwinak qillqsurapkta ukasa, ukanak jan yatiriw tuku.

Deuteronomio 31:24

Kunapachatix Moisesax uka kamachinak qillqañ tukuyxän ukkhaxa,

Hebreos 10:7

Ukat nayax sista: ¡Diosay! ‘Nayax akankasktwa, kamisatix qillqatax nayxat parlki ukarjam munañam phuqhiriw jutta’ ” sasa.