Jeremías 34:9 - Qullan Arunaka DC

⁹ Uka arust'äwisti akhamänwa: Janipuniw khiti israelitasa marka masinakaparux t'aqhisiyañapäkänti, jan ukasti antutnukxañapänwa.

Aymar Bibliia 1986

⁹ Uca arust'äwisti aqhamänwa: Qhitinacatejj judío esclavonïpjje, chachäpasa, warmïpasa, jupanacaru antutnucjjapjjañapänwa, uqhamat jan qhitisa pachpa marca masiparu esclavot sirviyasiñapataqui.

Qullan Arunaca

⁹ Uca arust'äwisti aqhamänwa: Qhitinacatejj judío esclavonïpjje, chachäpasa, warmïpasa, jupanacaru antutnucjjapjjañapänwa, uqhamat jan qhitisa pachpa marca masiparu esclavot sirviyasiñapataqui.

Jeremías 34:9 Jak'a apnaqawi uñst'ayäwi

Génesis 14:13

Ukampisa mä jaqiw uka nuwasïwit jaltanxatayna, Abramar taqi ukanak yatiyiri; Abram chachasti Mamré jaqin quqa ch'umipan jakasïna. Uka Mamré chachasti amorreo jaqïnwa; Escol, Aner chachanakan jilaparaki, jupanakasti Abram chachat arxatasipxarakïna.

Génesis 40:15

Nayarux hebreonakan uraqipat lunthatanipxitu, janiw carcelankañaxas wakiskiti, janiw kuna juchsa lurkaraktti —sasa.

Éxodo 2:6

Canasta jist'arasinsti, uka manqhin mä wawa jikxatäna, wali jachatap laykusti faraonan phuchhapax uka wawat khuyapt'ayasisin säna: —¡Akax mä hebreo wawarakisä! —sasa.

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Jeremías 25:14

Babilonionakarusti, jach'a markanaka, ch'aman reyinakaw t'aqhisiyas apnaqapxarakini. Ukhamat kunatix jan wali luratanakapat katuqañapax wakiski uk churä.’ ”

Jeremías 27:7

Taqi markanakasti jupampiru, wawapampiru, allchhipampiru katuyatawa, jupanakaw apnaqapxani, kunürutix markapar yaqha jach'a markanakampi, jach'a ch'aman reyinakampi apnaqatäñax wakt'kani uka urukama.

Jeremías 30:8

Naya, taqi ch'aman Tatituw arsta: Markaxarux t'aqhisiñat qhispiyä, janiw mayampis yaqha markankir jaqinakax t'aqhisiykxapxaniti.

Jeremías 34:10

Taqi jilïrinakasa, taqi jaqinakasa uka arust'äwirux walikiw sapxänwa, ukatsti t'aqhisiyatanakaparux antutnukxapxänwa, janirakiw maynis t'aqhisiyatäñataki qhiparkxänti.

1 Corintios 6:8

¡Ukatsipana jumanakax janiw chiqapar lurapkaraktati, pachpa jilanakamat lunthatasipkaktawa!

2 Corintios 11:22

¿Jupanakax hebreo jaqinakäpxiti? Nayax hebreo jaqirakïtwa. ¿Jupanakax israelita jaqinakäpxiti? Nayax israelita jaqirakïtwa. ¿Jupanakax Abrahamat saraqirïpxiti? Nayax Abrahamat saraqirirakïtwa.

Deuteronomio 15:12

“Hebreo marka masimatix chachäpansa, warmïpansa; uywatamäñapatak jumar aljasïtam ukaxa, jupasti suxta marakiw luqtätam; paqallqüri mararusti janiw uywatamäkxaniti, utamat khithanukxätawa.

Filipenses 3:5

Yuritaxat kimsaqallq uru saraqataru circuncisión katuqatätwa, Israelankir jaqïtwa, Benjaminan ayllupankirïtwa, hebreo jaqïtwa, awkixampi, taykaxampix, hebreo jaqinakänwa. Judeankir jaqinakan kamachiparjamasti, fariseo tamankir jaqïtwa;

1 Samuel 14:11

Ukhamaw jupanakax filisteo soldadonakampix panpachani uñjayasipxäna. Soldadonakasti uñjasax sapxänwa: “Uñtapxam, israelitanakax kawkïri putunakarutix imantasipkäna ukanakat misturanxapxiwa” sasa.

1 Samuel 4:6

Filisteonakasti, uka arnaqasitanakap ist'asax jiskt'asipxänwa: “¿Kunatarak uka israelitanakasti ukham arnaqasipxisti?” sasa. Ukampisa, Tatitun arust'äwi arcap campamentor puriyanipxatap yatisinxa,

1 Samuel 4:9

¡Filisteo soldadonaka, jan kun axsarasay wakichasipxam, ukatsti taqi chuymampi nuwasipxam, ukhamat israelitanakan t'aqhisiyata jaqinakapar jan tukuñasataki, kunjämtix jupanakax jiwasan t'aqhisiyatänxa ukhama!” sasa.