Jeremías 34:3 - Qullan Arunaka DC

³ Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Aymar Bibliia 1986

³ Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Qullan Arunaca

³ Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Jeremías 34:3 Jak'a apnaqawi uñst'ayäwi

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 27:22

‘Taqi uka yänakxa Babiloniaruw apasxapxani, ukatsti kunapachatix nayax wasitat aka chiqar kuttayanxañ munkä ukkhakamaw ukankarakini. Naya, Tatituw uk arsta.’ ”

Jeremías 32:28

Jichhasti nayax sismawa: Babiloniankir Nabucodonosor reyimpi, soldadonakapampiw Jerusalén marka katuntasipxani.

Jeremías 32:3

Sedequías reyiw Jeremiasarux ukham katuntayatayna, Jeremiasan akham sasa parlatap layku: “Tatitux siwa: ‘Babiloniankir reyiruw aka marka katuyä,

Jeremías 32:4

Sedequías reyisti janirakiw Babilonia jaqinakan amparapat jaltkaniti, jan ukasti Babiloniankir reyin nayraqatapar uñstañapäniwa.

Jeremías 34:21

Judá markan Sedequías reyiparusa, taqi yanapirinakaparusa, jiwayir uñisirinakapan amparaparuw katuyarakï, Babiloniankir reyipan ejercitopan amparaparu, jichhasti uka ejercitox janiw Judá uraqirux nuwantkarakiti.

Jeremías 34:4

Ukampis jichhax Sedequías reyi, ist'am, kuntix naya Tatitux siskäma uka arunaka: Janiw jumax espadampi jiwayatäkätati.

Jeremías 37:17

Sedequías reyisti Jeremiasarux utapar irpanipxañapatakiw mayïna; Jeremiasax reyin nayraqatapar irpatäkän ukkhasti, reyix juparux jamasatak jiskt'äna: —¿Janit Tatitun yatiyäwinakapax nayatak utjki? —sasa. Jeremiasasti sänwa: —Jïsa, utjiwa; akaw uka yatiyäwixa: Juma jach'a reyix, Babiloniankir reyin amparapar katuyataw uñjasïta —sasa.

Jeremías 38:18

Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 38:23

Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.

Ezequiel 12:13

Nayasti jupxarux qänaxampi jaqxatasin katjä. Babiloniaruw juparux katuntat aparakï, ukampis janiw uka marka uñjkaniti, uka markar janïra purkasin jiwxani.

Ezequiel 17:15

Ukampis uka reyin jilïr yuqapax Babiloniankir reyitakix sayt'asïnwa, ukatsti Egiptoruw yatiyirinak khithäna, caballonaka, walja soldadonak mayiniñapataki. ¿Jumanakasti amuyapxtati ukanak lurasin atipjañapa, jiwañatsa jaltxañapxa? ¿Uka arust'äwir jan phuqhiristi jiwañat qhispispati?

Ezequiel 17:16

Naya, Tatituw juramentompi arsta, khititix uka juramento luratapat phiskaskani, janirak reyit qunt'askasinsa uka arust'äwi lurataparus phuqkarakiniti, ukax pachpa Babilonia uraqin jiwani.

Ezequiel 21:25

25 (30) Jumarusti, Israel markan reyipa, jaqi jiwayir ñanqha rey, qhipa mutuyäwi katuqañam urux jumatak niyaw purinxi.