Jeremías 34:2 - Qullan Arunaka DC

² “Naya Tatitu, Israelan Diosapaw maysma, Judá uraqin Sedequías reyipar saniñamataki akham sasa: ‘Nayaw Jerusalén markxa Babiloniankir reyir katuyä, ninampi phichhantañapataki.

Aymar Bibliia 1986

² “Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Qullan Arunaca

² “Naya Tatitu, Israelan Diosapaw sisma, nayan sutejjaru Judá oraken Sedequías reyiparu saniñamataqui aqham sasa: ‘Nayaw aca marcjja Babilonianquiri reyiru catuyä ninampi phichhantañapataqui.

Jeremías 34:2 Jak'a apnaqawi uñst'ayäwi

2 Reyes 25:1

Sedequías reyix llätunka mara marka apnaqkäna, tunkïri phaxsita tunka uru saraqataruw, Babiloniankir Nabucodonosor reyix taqpach ejercitopamp sarantasin Jerusalén markar muyuntäna. Ukatsti marka uñkatasiruw utjnuqtäna, marka muytarusti makhatañanak luräna, markar katuntañataki.

2 Reyes 25:9

jupasti ninampiw Tatitun utap nakhantayäna, ukhamaraki reyin utapampi, markan utjir utanakampi, juk'ampisa wali aytat jaqinakan taqpach utanakapampi,

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 21:4

Israelan Tatitu Diosapax akham siwa: ‘Babiloniankir reyisa, soldadonakapasa Jerusalén markar muyuntasaw nuwantaski. Ukham nuwantatasti, kawkïr soldadonakampitix jumanakax nuwantapkta ukanakax qhiparuw jitt'apxani, ukatsti pachpa marka taypiruw imantasipxarakini.

Jeremías 27:22

‘Taqi uka yänakxa Babiloniaruw apasxapxani, ukatsti kunapachatix nayax wasitat aka chiqar kuttayanxañ munkä ukkhakamaw ukankarakini. Naya, Tatituw uk arsta.’ ”

Jeremías 32:3

Sedequías reyiw Jeremiasarux ukham katuntayatayna, Jeremiasan akham sasa parlatap layku: “Tatitux siwa: ‘Babiloniankir reyiruw aka marka katuyä,

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 38:23

Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.

Jeremías 39:8

Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.