Jeremías 34:16 - Qullan Arunaka DC

¹⁶ Ukampis jichhax qhiparuw kuttasipxtaxa, janiw uka arust'äwirux phuqhapktati, jan ukasti nayan sutixsa takisipxtawa, kawkïr t'aqhisiyatanakarutix jumanakax antutnukupkta ukanakarux wasitat t'aqhisitar tukuyas taqi kun lurayasipxtaxa.

Aymar Bibliia 1986

¹⁶ Ucampisa ucanac pasatatjja uca arust'äwirojj janiw phokcjjapjjeti jan ucasti nayan sutejj-jja taquisjjapjjänwa, cawquïri esclavonacatejj utjcäna ucanacarusti wasitatwa sirviyasipjjaraqui esclavo tucuyasa.

Qullan Arunaca

¹⁶ Ucampisa ucanac pasatatjja uca arust'äwirojj janiw phokcjjapjjeti jan ucasti nayan sutejj-jja taquisjjapjjänwa, cawquïri esclavonacatejj utjcäna ucanacarusti wasitatwa sirviyasipjjaraqui esclavo tucuyasa.

Jeremías 34:16 Jak'a apnaqawi uñst'ayäwi

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Jeremías 34:11

Ukampis jupanakax ukham t'aqhisiyatanakar antutnukxatatsti, walpun amtasipxäna, ukat wasitat uka t'aqhisiyatanakar jawsayasin luqtayasipxarakïna.

Ezequiel 13:22

Jumanakasti k'arisiñanakamampix aski jaqinakarux llajlla tukuyapxtaxa, uk lurañsti janiw nayax munkäyätti, ñanqha lurir jaqinakarux juk'ampi jan wal lurapxañapatakiw ch'amachapxtaxa, ukhamat nayan mutuyäwixat jan qhispipxañapataki.

Ezequiel 18:24

“Ukampis, aski jaqitix aski luräwinakap apanukuni, ukatsti kuntix ñanqha jaqix axtañanak lurki ukanak lurarakini ukasti, ¿uka jaqin jakaskañap jumanakax amuyapxtati? Nayasti janiw amtaskxäti kuna askinaktix jupax lurkän ukanakatxa, taqi chuymampi jan arkatap layku, jucha luratap laykuw jiwani.

Ezequiel 20:39

“ ‘Israelitanaka, Tatitux akham siwa: Janitix jaysañ munapkchistaxa, ¡ukhamax axtaskañ diosanakamar yupaychasipkakim! Ukampis mä uruw purini, jumanakax nayaruw jaysapxitäta, janirakiw nayan qullan sutixsa uka diosanakamar luqtanak churasa, yupaychasasa takichaskxapxätati.

Ezequiel 3:20

Ukhamarakiw utjaspa, mä aski jaqix uka aski kankañap apanukxas jan walinak luraspa, nayas juparux jan walt'añar nukt'irista; ukampis jumatix uka jaqir jan amuyt'aykätaxa, uka jaqix jiwaniwa. Nayatakisti uka aski luratapax janiw kunäkanisa, jupax juchap laykuw jiwani, uka jaqin jiwatapatsti jumaruw wayt'äma.

Ezequiel 39:7

Nayaw Israel markaxa taypin qullan sutixa uñacht'ayä, janirakiw qullan sutixar juk'ampi takisiykxäti. Ukat yaqha markanakax yatipxani, nayan qullan kankañaxa Israel markan uñacht'ayataxa.

Levítico 19:12

“K'ari arsüwinak nayan sutixar jan luramti, ukham lurasax Tatit Diosaman sutip ñanqhachtaxa. Nayätwa Tatituxa.

Malaquías 1:12

Ukampis jumanakax ñanqhachapxistawa. Altaraxax jisk'achañäkaspas ukham amuyapxtaxa, ‘uchatäki uka manq'anakax axtqañawa’ sasaw jisk'achapxaraktaxa.

Malaquías 1:7

Jumanakax altaraxar q'añu t'ant'anak apanipxtaxa, ukampis jiskhisipkakistawa: ‘¿Kun lurasarak jumar ñaqhachapxsmasti?’ sasa. Altaraxax jumanakan ñanqhachañatakïkaspas ukham amuyapxtaxa,

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.