Jeremías 33:7 - Qullan Arunaka DC

⁷ Judá markana, Israel markan sarnaqäwipsa sumaruw tukuyxarakï, kawkïr markarutix apayatäpkäna uka markatxa kuttayanxäwa, ukatsti jupanakarux wasitat sayt'ayxä: kunjämäpkäntix qalltanxa ukhamäxapxañapataki.

Aymar Bibliia 1986

⁷ Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Qullan Arunaca

⁷ Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Jeremías 33:7 Jak'a apnaqawi uñst'ayäwi

Salmos 126:1

Tatitux Babilonia markat Jerusalén markar kuttayanxistän ukapachaxa, samkäkaspas ukhamänwa.

Salmos 126:4

Tatay, wasitat kusisiñ kuttayxapxita, kunjämtix wasarar jawiranak kutt'aykta ukhama.

Salmos 14:7

¡Israel markan qhispiyasiñapax Jerusalén markatpach jutakispa! Tatitux t'aqhisiyat markapar kusisiykan ukapachaxa, Jacobun wawanakapax kusisiniwa, Israel markpachaw kusisirakini.

Salmos 85:1

1 (2) Tatay, aka markamatakix sinti munasiñanïtawa, katuntat Israelarux wasitat kusisiñar kuttayanxta,

Isaías 1:26

Kunjamäkäntix nayra taripirinakax uk kuttayxarakïma, amuyt'ayirinakamasti qalltan kunjamäpkäntix ukhamäxapxaniwa. Taqi ukanak lurkä uka qhipatsti sapxarakïtamwa: ‘Aski lurir marka’ ‘Chiqpach marka’ sasa.

Isaías 52:8

Ist'am, marka uñjirinakamax art'asipxiwa, atipt'añ art'asiñanak art'asipxi, Jerusalén markar Tatitun kuttanitapxa, pachpa nayranakapampiw uñjapxi.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 30:18

Tatitux siwa: “Israel markan sarnaqäwipxa, sumaruw tukuyxä, markapatsti khuyapt'ayasïwa; Jerusalén markax wasitat sayt'ayatäxaniwa, reyin utanakapas wasitat utacht'atäxaniwa.

Jeremías 30:20

Israel markankirinaka, jumanakax aytat markat uñt'atäxapxätawa, nayaw jumanakarux ch'ama kuttayxapxäma. ¡Taqi uñisirinakamarusti mutuyarakïwa!

Jeremías 30:3

mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 31:28

Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.

Jeremías 31:38

Tatitux siwa: “Mä uruw purinini kunapachatix Jerusalén markaxax wasitat sayt'ayatäxani uka uruxa, Hananel sata pukarat qalltasina, pirqa muyt'ankkis uka Punkukama.

Jeremías 31:4

Israel marka, jumarux wasitat sayt'ayxäma. Wasitat chhullu chhullunakampi, k'uchik thuqt'asir jutäta.

Jeremías 32:44

Suma q'umachat papelanakani, qhanañchirinakan sutinakapampi qillqantat uraqinak alasxapxani. Taqi akanakasti Benjamín ayllun uraqipan lurasini, Jerusalén marka thiyanakana, Judá uraqinkir markanakana, qullu tuqin utjir markanakana, jach'a quta thiya iraman utjir markanakana, ukhamaraki Néguev siski uka markanakansa uraqinak alasxapxani. Nayaw Babilonia markat kuttayanxarakï. Naya, Tatituw uk arsta.”

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Jeremías 50:4

Tatitux siwa: “Khä urunakan Israelankir jaqinakax, Judá uraqinkir jaqinakasa jacht'asisaw naya Tatitu Diosapar thaqhir jutapxani.

Lamentaciones 4:22

Jerusalén marka, mutuyäwimax tukusxiwa; Tatitux janiw juk'ampi apanukuykxätamti. Ukampis Edom marka, jan wali luratamat mutuyapunïtamwa, juchanakamsa qhanaruw uñstayarakini.

Ezequiel 39:25

“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.

Oseas 2:15

15 (17) Ukatsti uva yapunakap kuttayxäwa, jan walt'añanakapsti sumaruw tukuyarakï. Nayarux tawaqükäna uka urunakapanjam parlxayxitani, Egiptot mistunkän uka urunjama.

Sofonías 3:20

Khä urunxa, taqi jumanakar kuttayanxasinxa, mayarukiw tantacht'xapxäma; jaya markaru apanukutat uraqimar kuttayanxasinsti, askiruw tukuyapxarakïma, taqi markanak taypin jach'ar aptatäpxañamataki. Naya, Tatituw uk arsta.”

Zacarías 1:17

Angelax ukxarux saskakituwa: “Aka arunak yatiyarakim: ‘Taqi ch'aman Tatitux siwa: Markanakaxan wasitat nayraqatar sartañap munta; ukatsti machaqat Sión qullurux ch'am churä, machaqatarak qhanañchä Jerusalén markax nayan ajllit markaxätapa’ ” sasa.