Jeremías 33:16 - Qullan Arunaka DC

¹⁶ Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Aymar Bibliia 1986

¹⁶ uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Qullan Arunaca

¹⁶ uca urunacanjja Judá orakejj sumaquiw sarnakasini, Jerusalén marcasti jan qhitin cun sataraquiw jacasiraquini. Aca sutimpiw uca wawarojj sutichapjjaraquini: ‘Tatituw jiwasan atipjañasajja’ sasa.

Jeremías 33:16 Jak'a apnaqawi uñst'ayäwi

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 45:22

“Jaya chiqan utjir markanaka, nayan ukar jutapxam, nayaw qhispiyapxäma, nayakïtwa Diosaxa, janiw yaqhax utjkiti.

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Ezequiel 28:26

Ukan jupanakax suma samart'at jakasipxani, utanak utachasipxani, uva alinaksa ayrusipxarakini. Nayaw Israelar jisk'achiri uka taqi jak'ankir markanakarux juchañcharakï. Ukapachaw yatisini, nayan Israelan Tatitu Diosapätaxa” sasa.

Ezequiel 38:8

Akat walja maranakarusti, Israel markar nuwantañamatakiw khithäma. Aka markax q'ala tukjatänwa, walja maranakarakiw ukham tukjat uñjasïna. Jaqinakapax katuntataw uñjasïna, ukatsti yaqha markanakar apayatäpxarakïnwa. Ukampis nayaw jupanakarux uka markanakat irpsunxta, jichhasti Israel qullunakan wasitat tantacht'atäxapxiwa. Ukanarak k'uchik jakasxapxi.

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Romanos 11:26

Ukanak luraskani ukkhasti, taqi israelitanakaw qhispiyasini. Qillqatax siwa: “Qhispiyirix Jerusalén markat jutani, Jacobun juchapsa apaqaniwa.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Deuteronomio 33:12

Benjamín ayllurux sarakïnwa: “Diosax munastamwa, imaraktamwa; Diosax wiñayaw qullunakam taypin jakani!” sasa.

Deuteronomio 33:28

Israel, jan axsarasaw jakxäta, samarañan jakxarakïta. Janipuniw manq'añamax pist'kätamti, Tatituw yapunakam qarpaskani.

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.

2 Pedro 1:1

Nayax Simón Pedro, Jesucriston luqtiripätwa, apostoluparakïtwa. Aka qillqatsti, khitinakatix nanakjam mä suma iyawsañ jikxatapktas ukanakaruw qillqanipxsma, Qhispiyiri Jesucristo Tatitusan chiqätap layku.