Jeremías 32:9 - Qullan Arunaka DC

^9-10 primo jilaxat uka uraqi alasxapuntwa. Kunjämatix alapax arust'atäkän ukhamarjamaw tunka paqallqun qullqi churxta, ukatsti uka uraqi alasitaxätxa, mä papelaruw qillqsuyta, qhanañchirinakan sutinakapas suma qillqantat kuna.

Aymar Bibliia 1986

^9-10 primo jilajjatjja uca orakjja alasjjaractwa. Tunca pakallkoni kollkenacwa catuyaractjja, cunjämatejj alapajj arust'atäcän uqhamarjama, take uca aläwitsti mä papelaruraquiw kellksuyta, sellt'ata, uqhamaraqui testigonacansa firmt'ataraqui.

Qullan Arunaca

^9-10 primo jilajjatjja uca orakjja alasjjaractwa. Tunca pakallkoni kollkenacwa catuyaractjja, cunjämatejj alapajj arust'atäcän uqhamarjama, take uca aläwitsti mä papelaruraquiw kellksuyta, sellt'ata, uqhamaraqui testigonacansa firmt'ataraqui.

Jeremías 32:9 Jak'a apnaqawi uñst'ayäwi

Génesis 24:22

Camellonakax umañ tukuyxipansti, uywat jaqix suxta gramon quri surtija tawaqun nasapar uchäna; ukxarusti qurit lurat pä chipana amparanakapar ucharakïna, ukasti patakat jila gramonïnwa,

Génesis 37:28

ukhamasti, uka alakipa jaqinakax uka chiq sarakipkipansti, jilanakapax uka phuch'ut Josearux apsunipxäna, ukatsti uka ismaelita jaqinakaruw pä tunka qullqiru aljapxäna. Ukhamat Josearux uka alakipa jaqinakax Egipto markar irpasxapxäna.

1 Reyes 20:39

Reyix uka chiqa saraskäna ukapachaw profetax jach'at jupar art'äna: —Nayax rey, nuwasiñ taypin jikxatasiyäta, ukansti mayniw mä katuntat jaqi uñjañaxatak katuyitu, sarakituwa: “Aka jaqi uñjäta, jaltayät ukkhasti, jakañap jakañamampiw phuqhitäta, jan ukax kimsa waranqa qullqi churitäta” sasa.

Nehemías 5:15

Ukampis nayat nayra marka apnaqirinakasti, jan wal markar lurapxäna, jupanakax sapüruw pusi tunk qullqi mayisipxirïna manq'añataki, vinotaki. Ukxarusti yanapirinakapax markachirinakarux t'aqhisiyapxirïnwa. Ukampis nayax janiw ukham lurkti Tatitur axsaratax layku.

Ester (hebreo) 3:9

Ukhamasti, juma reyitakitix walikïchispa ukaxa, uka markan tukjatäñapatak mä kamachi utjayam, nayasti, qullqixat kimsa patak kimsa tunkan waranqa kilo qullqi markan qullqip apnaqirinakarux churä —sasa.

Éxodo 21:32

Uka urqu vacatix mä uywat jaqiru, chacharusa warmirus waxrantchi ukaxa, urqu vacarux qalamp k'upjasaw jiwayatäñapa, vacanisti uywat jaqin uywiriparux kimsa tunka qullqi churañapa.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Ezequiel 4:10

Manq'amsti manq'añäki ukkhakiw manq'äta, sapa urusti chikat ukkhak manq'arakïta;

Oseas 3:2

Ukatsti uka warmirux tunka phisqan qullqimpi, mä khumu chikatani cebadampiw alasta.