Jeremías 32:41 - Qullan Arunaka DC

⁴¹ Taqi chuymaxampiw aka uraqin jupanakarux utjasiyxä, markaxan suman jakasxatapaw nayarux kusisiyitani” sasa.

Aymar Bibliia 1986

⁴¹ Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.

Qullan Arunaca

⁴¹ Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.

Jeremías 32:41 Jak'a apnaqawi uñst'ayäwi

Salmos 80:8

8 (9) Jumaw Egiptot uva alir uñtat apsuntaxa, Diosar jan uñt'ir jaqinak jaqunukusin ayrunttaxa.

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Isaías 62:4

Janirakiw mayampsa: “Apanukut marka” sasax siskxapxätamti, jan ukasti sutimaxa: “Nayan ajllisita” satäniwa, uraqimarus janirakiwa: “Tukjat uraqi” sasax siskxapxaniti, jan ukasti: “Tatitun munat warmipa” satäxaniwa.

Isaías 62:5

Kunjämatix mä waynax mä tawaqumpi jaqichasixa, ukhamarakiw Tatitux jumarux warmimat katuqasxätam, wasitat sayt'ayxätam; jumampisti k'uchikiw jakasini, kunjämatix mä chachax warmipampi kusiski ukhama.

Isaías 65:19

Naya kipkaw Jerusalenat kusisï, markaxar uñjasinsti kusisirakïwa. Jachañax ukan janiw utjkxaniti, janirakiw llakisiñat ayquñas utjkxaniti.

Jeremías 18:9

Yaqha urun uka markarux sayt'ayirista, jach'arus jiltayarakirista.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 31:28

Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.

Ezequiel 36:36

Ukapachaw uka jak'ankir markanakax yatipxani, kunatix t'unjatäkäna, ninampis nakhantayatäkän ukanak naya, Tatitun wasitat sayt'ayxataxa. Naya, Tatituw uk arsta, arsutaxarusti phuqhapunïwa.

Oseas 14:5

5 (6) Israel markatakix sullar uñtatäyäwa, jupasti lirio panqarjamaw panqart'ani. Saphinakapasti uraqirux suma saphintatäniwa;

Amós 9:15

Nayaw jupanakarux kipka uraqinakapar ayruntä, ukatsti janiw mayampis jupanakar churat uraqit jik'suta uñjasipkaniti.” Tatitu Diosaw uk arsu.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Sofonías 3:17

Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Deuteronomio 28:63

Kamisatix Tatitux suma askinak churasina, jumar mirantayasin kusiskäna, ukhamarakiw kusisini jumar aynacht'ayata, ch'usar tukut uñjasïta ukapachaxa, katkäta uka uraqitxa jan khuyapt'ayasis jik'inukutaw uñjasïta.

Deuteronomio 30:9

Ukapachasti Tatitux taqi luräwinakaman jilarkir churapxätam, yuqall wawamasa, imill wawamasa waljaniw utjätam, uywanakamasa, yapu apthapitanakamas jilt'atäniwa; Tatit Diosamasti jumanakar aski lurasax wasitat kusisini, kamisatix nayra awkinakamar aski lurasax kusiskän ukhama,