Jeremías 32:4 - Qullan Arunaka DC

⁴ Sedequías reyisti janirakiw Babilonia jaqinakan amparapat jaltkaniti, jan ukasti Babiloniankir reyin nayraqatapar uñstañapäniwa.

Aymar Bibliia 1986

⁴ Sedequías reyisti janiraquiw caldeo jakenacan amparapatjja jaltcaniti, jan ucasti Babilonianquiri reyin nayrakataparu uñstasinwa catuyasjjaraquini.

Qullan Arunaca

⁴ Sedequías reyisti janiraquiw caldeo jakenacan amparapatjja jaltcaniti, jan ucasti Babilonianquiri reyin nayrakataparu uñstasinwa catuyasjjaraquini.

Jeremías 32:4 Jak'a apnaqawi uñst'ayäwi

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 25:35

Awatirinakax janiw jaltapkaniti, tama irpirinakas janiw imantasipkaniti.

Jeremías 34:21

Judá markan Sedequías reyiparusa, taqi yanapirinakaparusa, jiwayir uñisirinakapan amparaparuw katuyarakï, Babiloniankir reyipan ejercitopan amparaparu, jichhasti uka ejercitox janiw Judá uraqirux nuwantkarakiti.

Jeremías 34:3

Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Jeremías 37:17

Sedequías reyisti Jeremiasarux utapar irpanipxañapatakiw mayïna; Jeremiasax reyin nayraqatapar irpatäkän ukkhasti, reyix juparux jamasatak jiskt'äna: —¿Janit Tatitun yatiyäwinakapax nayatak utjki? —sasa. Jeremiasasti sänwa: —Jïsa, utjiwa; akaw uka yatiyäwixa: Juma jach'a reyix, Babiloniankir reyin amparapar katuyataw uñjasïta —sasa.

Jeremías 38:18

Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 38:23

Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.