Jeremías 32:22 - Qullan Arunaka DC

²² Israelarusti aka uraqi churaraktaxa, kawkhantix lechesa misk'isa umjam jalaski uka uraqi, nayra awkinakapar arsutamarjama.

Aymar Bibliia 1986

²² Israelarusti aca orake churaractajja, cawqhantejj leches misq'is umjam jalasqui uca orake, cunjämatejj nayra awquinacaparu arscäyätas uqhamarjama.

Qullan Arunaca

²² Israelarusti aca orake churaractajja, cawqhantejj leches misq'is umjam jalasqui uca orake, cunjämatejj nayra awquinacaparu arscäyätas uqhamarjama.

Jeremías 32:22 Jak'a apnaqawi uñst'ayäwi

Génesis 13:15

uñjktas uka uraq nayaw jumar churäma, wiñayatakiw jumankani, wawanakamankarakini.

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

Nehemías 9:15

Manq'at awtjatäpkäna ukkhasti sist'asipxañapatakix alaxpachat t'ant'a churantaxa, umat pharjatäpkäna ukkhasti umt'apxañapatakix qarqat uma jalsuyaraktaxa. Ukatsti jupanakar churañatak arsut uraqiruw mantayaraktaxa.

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Jeremías 11:5

Jumanakatix nayar ist'apxitätaxa, nayax kuntix nayra awkinakamar juramentompi arskta uk phuqhapunïwa, mä suma uraqi churapxäma, kawkhantix walja suma manq'añanakax utjki uka uraqi. Uka uraqisti kawkhankapktatix jichhax uka uraqiwa.” Nayasti saraktwa: “Ukhamapunïpanay Tata” sasa.

Ezequiel 20:15

“ ‘Wasaran jupanakarux juramentompi arsurakta, jupanakar churata uraqir jan mantayañataki, yaqha uraqinakat sipan wali suma uraqiru, kawkhantix leches, misk'is umjam jalaski uka uraqiru.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Números 14:16

“Diosasti kawkïri uraqtix churä siskatayna uka markarux janiw irpantkiti, ukat wasaran jiwarayi” sasa.

Números 14:30

Jumanakat janiw maynis jumanakar churañatak arskta uka uraqir mantkaniti, Caleb chachampi, Josué chachampikiw uka uraqirux mantapxani.

Deuteronomio 1:35

‘Aka ñanqha jaqinakat janiw maynisa, kuna suma uraqtix nayra awkinakapar churañ arskäyät ukarux mantkaniti,

Deuteronomio 1:8

Nayaw taqi uka uraqinak amparamar katuyapxsma; jichhasti sarapxamay uka uraqinak katuntiri, naya Diosaw uka uraqinak Abrahamampiru, Isaacampiru, Jacobumpiru, jupanakat saraqir wawanakapampir churañatak juramentomp arsta’ sasa.

Deuteronomio 6:10

“Jumanakan Tatit Diosamax kuna uraqtix Abraham, Isaac, Jacob awkinakamar churä siskatayna ukaruw puriyapxätam. Uka uraqisti wali jach'awa, suma markanakaniwa, uka markanakasti janiw jumanakan luratäkiti.

Deuteronomio 6:18

Ukatsti Diosan nayraqatapan chiqäki, askïki ukanak lurapxam, kusisit jakapxañamataki, kawkïr uraqtix Diosax arupampi awkinakamar churañ arskäna uka uraqir mantapxañamataki.

Deuteronomio 6:23

Ukampis Tatitux uka markat nanakarux irpsunipxitu, ukatsti kawkïr uraqtix nayra awkinakaxar churañ arskatayna ukaruw irpanipxarakitu.

Deuteronomio 7:13

Jumanakarusti munasiñampiw uñjapxätam, aski waxt'äwi churapxätam, mirantayapxarakïtamwa; wawanakamar aski waxt'äwinak churani, yapunakamaru, taqi achunakamaru, trigo yapunakamaru, vinomaru, aceitemaru, ukhamarak vacanakamana, ovejanakaman qallunakapar aski waxt'äwinak churani, nayra awkinakamar juramentomp churañ arsuwaykän uka uraqina.

Deuteronomio 8:1

Moisesasti saskakïnwa: “Wali amuyumpiy jichhürun sapksma uka kamachi arunak phuqhapxam, ukhamat kawkïr uraqtix Diosax nayra awkinakamar churañ arskän uka uraqir mantasin jakapxañamataki, mä jach'a marka tukupxañamatakiraki.

Josué 1:6

Jumasti wali ch'amani sayt'asim janirak axsaramti, jumaruw aka markaru uraq lakiñax wakt'tam; uksti nayaw nayra awkinakapar churañatak arsüyäta.

Josué 21:43

Ukhamawa Tatitux Israel markaru taqi uka uraqinak churäna, kunjämtix nayra awkinakapar juramentompi arskatayna ukhamar phuqhasa, jupanakasti uka uraqinakan utjnuqtasipxäna, ukan jakasipxarakïna.